NATO pêşketina Rûsyayê ji bo xwe weke gef dibîne.
Sekreterê Giştî yê NATO’yê dibêje hedefa pêşîn a Rûsyayê NATO ye.
Li gel vê yekê di peymana aştiyê ya Amerîkayê de heya niha lihevkirin çênebûye.
Zelenskî got, gelê Ukraynayê dikare li ser mijara axê biryarê bide.
Sekreterê Giştî yê NATO’yê Mark Rutte ragirand ku hedefa din a Rûsyayê NATO ye.
Mark Rutte ji hevalbendan xwest ku hewlên xwe yên parastinê zêde bikin da ku pêşî li şerekî ku Rûsya dikare bike, bigirin.
Rutte got gelek endamên hevpeymaniyê hîn jî gefên Rûsyayê yên li ser Ewropayê hîs nakin, û divê ew lêçûnên parastinê û kapasîteya hilberînê ya xwe bi demek pir zû zêde bikin da ku pêşî li şerekî muhtemel bigirin.
Mark Rutte got:
“Ez ditirsim ku gelek kes di bêdengiyê de bêxem in. Gelek kes xeteriya rewşê hîs nakin.
Û gelek kes bawer dikin ku dem bi aliyê me ye. Ne wisa ye. Niha dema tevgerê ye.”
Her wiha wî got:
“Şer li ber deriyê me ye. Rûsyayê şer vegerandiye Ewropayê, û divê em amade bin.”
Rutte teqez kir ku gefa Rûsyayê êdî dûr û xeyalî nîne, lê niha li ber deriyê Ewropayê ye, û divê endamên hevpeymaniyê amade bin ku zû bersiv bidin.
TRUMP: GER ŞENSÊ SERKEFTINÊ BAŞ BE EM Ê BEŞDARÎ LÛTKEYA UKRAYNAYÊ BIBIN
Her wiha Qesra Spî diyar kir ku Trump ji helwestên Kîev û Moskowê li ser plana bidawîanîna şer nerazî ye.
Heman demê Trump dibêje eger derfeteke baş hebe ku di peymana agirbestê de pêşketinek çêbibe, Amerîka dê nûnerekî xwe bişîne da ku beşdarî danûstandinên li ser Ukraynayê bibe.
Trump li Ofîsa Oval a Qesra Spî ji rojnamevanan re got:
“Em ê bibînin ka em ê beşdarî vê civînê bibin an na.”
Trump teqez kir eger Amerîka bawer bike ku şansek baş heye, roja Şemiyê rayedarên Amerîkî beşdarî lûtkeya Ewropî bibin.
Berê, berdevka Qesra Spî ragihand ku Serokê Amerîkayê ji her du aliyan, ango Ukrayna û Rûsyayê, pir nerazî ye.
Berdevka Qesra Sipî got:
“Ew êdî gotinan naxwaze, ew piratîkê dixwaze. Ew dixwaze ev şer bi dawî bibe.”
Lavrov: Rûsyayê pakêtek garantiyên ewlehiyê daye Amerîka
Li aliyê din Wezîrê Derve yê Rûsyayê Sergey Lavrov îdîa kir ku Moskow û Washingtonê nakokiyên xwe di danûstandinên Ukraynayê de bi tevahî çareser kirine.
Li gorî Lavrov, piştî serdana nûnerê taybet ê Amerîkayê Steve Witkoff ji bo Moskowê, aliyan peymanên ku li Alaskayê hatine bidestxistin hatiye erê kirin.
Lavrov diyar kir, wateya van peymanan ew e ku Ukrayna divê bêalî û bê nukleerî be.
Zelensky: Em ê bi xwe li ser mijara axa xwe biryar bidin
https://www.ukrhaber.com/blog/zelenskiy-topraklar-meselesine-ukraynalilarin-kendisi-karar-verececek/
Heman demê Zelensky eşkere kir ku aliyê Amerîkî pêşniyara avakirina herêmeke aboriya azad û bê çekkirin e.
Li gorî Zelenskî, gelek pirs jî bêbersiv mane: Kî dê vê herêmê kontrol bike, mekanîzmaya çavdêriyê dê çi be, gelo Rûsya dê leşkerên xwe bi heman awayî vekişîne yan na?
Zelensky teqez kir ku modela pêşniyarkirî ne di berjewendiyên Ukraynayê de ye.
