Endama Heyeta DEM Partiyê Pervîn Buldan got: “Ez zelal îfade bikim; Birêz Ocalan di pêvajoya aştiyê de herî zêde bi jinan bawer e, ji ber yên şer didin destpêkirin mêr in.”
Endama Heyeta Îmraliyê ya Partiya Wekhevî û Demokrasiyê ya Gelan (DEM Partî) Pervîn Buldan, hevdîtinên bi Rêber Abdullah Ocalan û rola jinan a di aştiyê de nirxand.
Pervîn Buldan da zanîn ku fikr û nêrînên li ser azadiya jinê û civaka demokratîk îro di navenda pêvajoya aştiyê de cih digirin.
Pervîn Buldan balkişand ser hevdîtinên bi Rêber Abdullah Ocalan ku re ku bi salane ew jî di hevdîtinan de cih digire û wiha got:
“Bi salane di her hevdîtina me kiriye de teqez rojeva jinê hebû.
Ji ber girîngiyê dide vê mijarê. Yek esasên paradîgma îro em nîqaş dikin jî teqezbûna vê rastiyê ye.
Birêz Ocalan her tim tiştên nû fikirî û der barê rojevê de nêrînên nû pêş xist.
Birêz Ocalan ji zarokatiya xwe de têkliya jin û mêr ya heyî lêpirsîn kiriye.
Li dijî zewaca di temenê biçûk de ya xwişka xwe ya hevala xwe ya zarokatiyê sekiniye.
Ji destpêka ewil de jî tevlibûna jinan a têkoşînê girîng dîtiye.”
Perwîn Buldan: Azadiya jinê dikeve navenda nîqaşan
Pervîn Buldan daxuyakirin ku bi salên 90’î re tevlibûna jinan têkoşînê gelek pêşdaraz şikandiye û got:
“Azadiya jinê dikeve navenda nîqaşan. Birêz Ocalan bi vê re îdeolojiya rizgariya jinê pêş dixîne.
Di parastinên li Îmraliyê de ‘serdestiya mêr a 5 hezar salî’ analîz kir.
Berdewama wê zanista Jineolojiyê derket holê.
Ez dikarin ji nîqaşên Birêz Ocalan yên bi me re mînak bidim, demên ewil de ev mijareke di têkoşîna azadiyê de dihat dîtin, lê îro heqîqeteke jinê ya ku di dilê azadiyê de ye heye.”
Perwîn Buldan: Birêz Ocalan her tim îfade kiriye ku divê jin kirdeya damezrîner be
Pervîn Buldan der barê ‘paradîgma azadixwaz a jinê’ ya Rêber Abdullah Ocalan de nirxandin kir û wiha anî ziman:
“Di her hevdîtinê de rojevek pirsgirêka azadiya jinê ye.
Di mijara serkeftina pêvajoyê de rolek mezin dide ser jinan.
Li dijî serdetiya mêr xeta azadiya jinê û rastiya civaka dayiksalar îfade dike.
Ji jinan re dibêje ku divê heqîqet derkeve holê.
Dibêje jin dixwazin çawa bijîn bila bijîn lê divê di vê jiyanê de sosyalîst bin.
Ez dikarim bêjeim ku her tim îfade kiriye ku divê jin di jiyanek azad de kirdeya damezerîner be.”
Pervîn Buldan destnîşan kir ku Rêber Abdullah Ocalan têkoşîna jinan parçeyek têkoşîna demokrasî û azadiyê dibîne û ev tişt anî ziman:
” Her tim tîne ziman û dibêje jiyanek nû û pêşerojeke sosyalîst demokratîk bi feraseteke komunal a ku azadiya jinê esas digire pêkane.
Ya duyemîn jî girîngiyê dide têkiliya jin û azadiyê. Tevgera ku azadiya jinê têde tunebe nikare xwe azad bike.”
Perwîn Buldan: Divê jin di pêvajoyên çareseriyê de rola aktîf bilîzin
Pervîn Buldan daxuyakirin ku Rêber Abdullah Ocalan jinan wek ‘hêza esas a damezerîner’ dibîne û wiha domand:
“Ji ber vê dipê ku jin di pêvajoyên çareseriyê de rola aktîf bilîzin.
Ev pir aşkera îfade dikim; Birêz Ocalan di pêvajoya aştiyê de herî zêde bi jinan bawer e.
Ji ber yên şer derdixin mêrin.
Ji 27’ê Sibatê het aniha em li geşedanan binêrin li gorî min di aştiyê de rola jinan gelek girînge.”
