Yekîtiya Ewropayê hewl dide mal û milkên Rûsyayê ji bo piştgiriya Ukraynayê bikar bîne.
Ji bo vê yekîtî civînek lidarxist û têkîldarî vê nîqaşek berfireh hat kirin.
Yekitiya Ewropa li Brukselê ji bo dawiya salê civiyan, da ku li ser planeke ji bo berdewamiya şerê li Ukraynayê bi karanîna 200 milyar euro, ji sermayeyên cemidî yên Rûsyayê nîqaş bikin.
Nakokiyên di nav Yekitiya Ewropayê de li ser karanîna malên rusya yên cemidî berdewam dikin.
Civîna dawî ya li Brukselê ji bo bikaranîna sermayeyên cemîdî yên Rûsyayê tê payîn biryar bên dayîn.
Costa: Em dixwazin pêdiviyên darayî yên Ukraynayê peyda bikin
Serokê Konseya Ewropayê Antonio Costa beriya civînê diyar kir ku ew ê li ser budçeya demdirêj a Yekîtiya Ewropayê û Ukraynayê” nîqaş bikin.
Costa dibêje ew dixwazin pêdiviyên darayî yên Ukraynayê ji bo 2026 û 2027’an misoger bikin.
Her wiha Serokwezîrê Alman Friedrich Merz jî anî ziman ku bikaranîna mal û milkên cemidî yên Rûsyayê ji bo piştgiriya Ukraynayê vebijarke baş e.
Merz diyar kir ku mijarek din a girîng di civînê de peymana bazirganiya azad e ku dê di navbera Yekîtiya Ewropayê û Bazara Hevpar de were îmzekirin.
Merz got “Ger Yekîtiya Ewropayê dixwaze baweriya xwe di siyaseta bazirganiya cîhanî de biparêze, divê niha biryaran bide.”
Von Der Leyen: Me soz daye ku 90 milyar euroyî bo Ukraynayê peyda bikin
Seroka Komîsyona Ewropayê Ursula von der Leyen diyar kir ku Ukrayna ji bo salên 2026 û 2027’an pêdivî bi 137 milyar euroyî heye û got: “Me soz daye ku 90 milyar euroyî peyda bikin.
Min ji bo vê fînansmanê du vebijark pêşkêş kirin.
Yekem, fînansekirin bi rêya budceya Yekîtiya Ewropayê û duyemîn jî deynê tazmînatên şer e.”
Tusk: Vebijêrkek hêsan pêşiya me ye, yan îro pere an sibe xwîn
Serokwezîrê Polonyayê Donald Tusk, yek ji daxuyaniyên herî tund li ser vê mijarê da û got:
“Em bi hilbijartinek hêsan re rû birû ne: “Yan îro pere, an sibê xwîn.
Ez ne tenê li ser Ukraynayê diaxivim, ez li ser Ewropayê jî diaxivim.”
Kaja Kallas: Divê Rûsya zirarên ku li Ukraynayê çêkiriye tezmînatê bide
Nûnera Bilind a YE’yê ya Karûbarên Derve û Siyaseta Ewlehiyê Kaja Kallas jî diyar kir ku ew ê li ser dayîna deynên tazmînatê ji Ukraynayê re nîqaş dikin.
Her wiha Kaja Kallas got ew ê li ser pêşniyarên ku fikarên Belçîkayê jî çareser bike dixebitin û got:
“Vebijarkên wekî Eurobond an deynkirina hevbeş pêwîstî yekdengiyê ne û ji ber vê yekê ne gengaz in.
Divê Rûsya zirarên ku li Ukraynayê çêkiriye tezmînatê bide.”
