Desteya şêwirî ya piştgiriya Komîteya Dan û Standinan a Herêma Bakur û Rojhilatê Sûriyê îro li Tebqayê pêk hat.
Di civîna de hat gotin serxistina peymana 10’ê Adarê girêdayî gavên pratîk e.
Her wekî hate destnîşankirin ku pêdiviya Sûriyê bi pergaleke demokratîk a pirreng û nenavendî heye.
Civîna desteya şêwirmendiyê ya şêniyên kantonên Reqa û Tebqayê a ji bo piştgiriya Komîteya Dan û Standinan a Bakur û Rojhilatê Sûriyê îro pêk hat.
Civîn li bajarê Tebqayê bi armanca nirxandina rewşa siyasî ya Sûriyê û peymana 10’ê Adarê hat lidarxistin.
Hevserokê Meclisa Rêveber a Kantona Tebqayê Hamid El Ferec anî ziman ku her kes yekparebûna xaka Sûriyê dixwaze û piştgiriyê dide peymana 10’ê Adarê. Dirûşma gelê Bakur û Rojhilatê Sûriyê diyalog e û li dijî hemû cureyên provokasyonan e.
“Pêdiviya Sûriyê bi pergaleke nenavendî heye”
Endamê Komîteya Dan û Standinên bi hikumeta veguhêz re Ebid Hamid El Mihbaş jî diyar kir qonaxa ku Sûriye têre derbas dibe, girîng û dîrokî ye. Qonaxa heyî dê şekilê dewleta bê ya Sûriyê, xwezaya têkiliyên di navbera gel û dewletê de û bingehên ku dê siberoja welat li ser bêne avakirin, diyar bike.
El Mihbaş got dem hatiye ku nakokiyên siyasî yên li Sûriyê bi rêya diyalogan, ne bi rêya şer an jî zimanê gef û provokasyonan werin çareserkirin. Gelê Sûriyê hêjayî siberojeke azad, welatekî azad û birûmet e.
El Mihbaş tekez kir ku divê biryara diyarkirina şeklê rêveberiya nû ya Sûriyê nîştimanî be û bi beşdariya hemû sûriyan be.
Berdevka kombûna Jinan a Zenûbiya Xod El Elî: Rola jinan esas e
Berdevka Kombûna Jinan a Zenûbiya Xod El Elî jî diyar kir ku bêyî naskirina rola girîng a jinan û berdêlên ku di rêya parastina ax û mirovahiyê de dane, çareseriyeke siyasî ya rasteqîn li Sûriyê pêk nayê.
Xod El Elî da zanîn ku ew amade ne beşdarî avakirina destûra nû ya Sûriyê bibin ku îradeya gelan, pirrengî, nenavendî û edaletê nas bike.
Berdevkê Komîteya Şêwirmendiyê ya Piştgiriya Dan û Standinan şêx Mihemed Nûr El Zîb jî diyar kir ku “Desteya Şêwirî ji welatparêzên Reqa û Tebqayê hat avakirin.
El Zîb behsa rola rûspiyên eşîran û oldaran kir û da zanîn ku rola wan parastina hevgirtina civakê û rêgirtina li pêşiya herikîna xwînê ye.
https://hawarnews.com/ar/134205 dîmenên me hebin bikar bînin
Civîn bi encamnameyekê bi dawî bû.
