Fermandariya Giştî ya Hêzên Ewlekariya Hundirîn (Asayîş) ragihand ku ji endamên wan Rohat Raco (Riyad Mistefa) 10’ê Çileya îsal li Helebê şehîd bûye.
Fermandariya Giştî ya Hêzên Ewlekariya Hundirîn (Asyîş) der barê şehadeta endamekî xwe de daxuyaniyeke nivîskî weşand.
Di daxuyaniyê de hate gotin: “Bi navê Hêzên Ewlekariya Hundirîn (Asayîş), em bi serbilindahî şehadeta hevrêyê xwe Riyad Mistefa ku bi navê Rohat Raco tê naskirin, radighînin. Hevê me Riyad Mistefa sala 1977’an li bajarê Tebqayê jidayik bû. Di nava malbatekê de mezin bû ku bi hezkirina xwe ya li hemberî welat û xizmeta civaka xwe dihat nasîn.
Şehîd Rohat sala 2011’an tev li Hêzên Ewlekariya Hundirîn (Asayîş) bû. Heleb jî di nav de li gelek cihan xizmet kir. Di salên xizmetkirinê de, beşdarî gelek dewreyên perwerdeyê bû da ku asta xwe ya pîşeyî, leşkerî û fikrî pêş bixe. Di nav hevalên xwe de bi disîplîn û dilsoziya xwe ya bi erkên xwe re dihat nasîn.
Di salên xizmeta xwe de, beşdarî gelek mîsyonan bû. Mînakek fedakarî û berpirsiyariyê bû. Di sala 2016’an de beşdarî şerên Helebê bû û berxwedanek lehengane nîşan da. Di demên dawîn de tev li berxwedana destanî û qehremanî ya ku hêzên me li taxên Şêxmeqsûd û Eşrefiyê nîşan dan bû. Piştî jiyaneke tijî fedakarî, di 10’ê Çileya 2026’an de li taxa Şêxmeqsûd şehîd bû.
Em sersaxiyê ji malbata şehîd re dixwazin. Em soz didin gelê xwe û tevahiya malbatên şehîdan ku em ê şopdarên xeta şehîdan bin ta hêviyên gelê xwe yên jiyaneke azad û ewle bi dest bixin.”
Nasnav: Rohat Raco
Nav û paşnav: Riyad Mistefa
Navê dayikê: Eslem
Navê bav: Osman
Cih û dîroka şehadetê: Heleb-Şêxmeqsûd, 10 Çile 2026.
