Parêzgarê Hesekê bi nûnerên Wezareta Rewşên Awarte û Rêveberiya Karesatan re civiya û tedbîrên têkildarî lehiyên Çemê Xabûrê û zirarên lehiyan gotûbêj kirin.
Parêzgarê Hesekê Nûredîn Ehmed pêşwaziya şandeyeke Wezareta Rewşên Awarte û Rêveberiya Karesatan kir ku îro sibehê bi serokatiya cîgirê wezîr Munîr Mistefa li ser vexwendina parêzgar gihaşt Hesekê.
Parêzgar û rayedarên peywendîdar ên Şaredariya Hesekê û Parastina Sivîl, bi şandeyê re civînek li dar xist û tedbîrên ji bo lehiyên Çemê Xabûrê û nirxandina zirarên lehiyê gotûbêj kirin.
Şande dê bi hevkariya Meclisa Bajarê Hesekê, Tîma Agirkujiyê, Rêveberiya Parastina Sivîl û Desteya Çavkaniyên Avê serdana deverên ku lehî lê rabûye bike, da ku zirarê binirxîne û piştgiriya hewldanên kêmkirina ziraran û pêşîgirtina lehiyan bikin.
Di 2 hefteyên borî de, li herêma Cizîrê baraneke zêde bariya ku bû sedema rabûna çeman û li gelek deveran bû sedema lehiyê.
