Rojnamevana Alman Eva Maria Michelman destpêka salê li Reqayê ji hêla hikûmeta demkî ya Sûriyê ve hat girtin.
Piştî hat berdan, tişta li zindanên hikûmeta demkî dîtiye, eşkere dik
Dibêje, ew ji zindanekê birine yekê, ji lêpirsînekê ber bi yek din ve.
Lê di dema lêpirsînê de êşkence lê dikirin..
Ew eşkere dike ku ew ji cîhana derve bi temamî hatibû qutkirin û hejmareke jin jî li zindanan dîtiye, bi piranî elewî bûn.
Eva Maria Michelman 18 çileyê li Reqayê tê girtin.
BI gotina wê, ew li zindanên Heleb, Idlibê û Şamê hatiye gerandin û lêpirsîn di bin êşkenceyê de pê re dihat kirin.
Ew raserast navê “Heyet Tehrîr El-Şam” tîne ziman û dibêje ku xistibûn serê wê de ku kesek pirsa wê nake.
Çend mehên girtinê, ew ji her tiştî qut kiribûn û di tecrîdeke giran de rojên xwe derbas dikirin.
Her wekî got ku gelek jinên di zindanên Idlibê de, hatibûn êşkencekirin.
Li gor gotina wê, ew di zindanekê de 15 jin hebûn û piranî ji elewî bûn.
Di odeyeke biçûk de bûn û rewşa zindanê pir xerab bûn.
Eva Michelman destnîşan dike ku ji ber tişta hatiye serê wê demek jê re lazime ku karibe her tiştî bêje.
Lê di axaftina xwe diyar kir ku bila tu kes bawer nake ku rejîma HTŞ demokratîk e, çimkî tevger û rêbazê wan dûrî mirovahiyê ye.
Êşkencekirin, lêdan û kehrebekirin, ji rêbazên lêpirsînê yên sereke ne.
Sivîl bi guleyan tên kuştin û li ber çavên her kesî.
Lewra, eşkere dibêje, Sûriye ne ewle ye û nabe çi kesekî ku li ewlehiyê digere bi darê zorê ji Almanya vegere Sûriyê..Di heman demê nabe ku çi kes di zindanên HTŞ de bimîne û were êşkencekirin.
Rojnamevana Alman daxwaz kir ku hemû rojnamevan di serî de Ehmed Polat ji zindanan werin berdan.
