Li Silêmaniyê bi sedan welatî ji bo derketina artêşa Tirk a dagirker ji Başûrê Kurdistanê tevlî kampanyaya îmzeyan bûn.
Kampanya îmzeyan a ji bo derxistina artêşa Tirk a dagirker ji ser xaka Başûrê Kurdistanê, li gelek bajar û navçeyên Herêma Kurdistanê berdewame.
Di saetên êvarê de Rêxistina Jiyanewey Gencan û Jinên Ciwan ên Têkoşer di çarçoveya kampanya îmzeyan a ji bo derxistina artêşa Tirk ji ser xaka Başûrê Kurdistanê, li ber Deriyê Sera yê Silêmaniyê standa îmze komkirinê danîn.
Welatiyên Silêmaniyê eleqeyek germ nîşanê kampanyê dan û bi sedan kes tevlî kampanyê bûn.
Hêjayî gotinê ye di çarçoveya vê kampanyê de heya niha zêdetirî 21 hezar îmze hatine komkirin û armanc ewe ku bigihe 100 hezar îmzeyan.
Piştre wê ev îmze radestî Netewên Yekbûyî, Parlamentoya Iraq û Herêma Kurdistanê were kirin.
