Li Libnanê xwepêşanderekî jiyana xwe ji dest da û 238 jî birîndar bûn

Duh di saetên piştî nîvro de, bi hezaran kes li nêzî avahiya parlamanê li Beyrûtê kom bûn û daxwaza eşkerekirina kesên ku bûne sedema teqîna Beyrûtê kir.

Di encamê de, di navbera xwepêşander û hêzên ewlehiyê de pevçûn derket.

Xwepêşanderan kevir avêtin hêzên ewlehiyê û ji bo astengkirina xwepêşanderan ku negihêjin avahiya parlamanê, gaza rundikrêj hat bikaranîn.

Di encama van pevçûnan de, xwepêşanderekî jiyana xwe ji dest da û 238 jî birîndar bûn.

Ji ber hêrsa gelê Libnanê, îro palamenter Ni’ma Ifram û Wezîra Ragihandinê Menal Ebdulsemed, îstifayên xwe radest kirin.

Ji bo alîkarîkirina ziyanbînan, konferanseke online îro tê lidarxistin

 

Ji bo alîkarîkirina malbatên qurban û birîndarên teqîna Libnanê, îro bi serpereştiya Fransa û Amerîkayê, konferanseke online li dar dikeve.

Konferans, wê saet 12 bi dema (Girînêtş) GMT were lidarxistin û Çîn, Rûsya û Misir û saziyên Ewropayî jî, wê beşdar bibin.

Koşka Serokatiya Fransayê da xuyakirin ku Îsraîl beşdarî nîqaşên konferansê nabe, Îran jî xwesteka beşdarbûnê neanîye zimên.

Li gorî agahiyan, armanca konferansê, dabînkirina pêwîstiyên lezgîn ji bo welatiyên Libnanê yên ziyanbîn e.

Li aliyekî din, Hikûmeta Fransayê 18 ton alîkariyên bijîşkî û 700 ton xwarin, ji Libnanê re dişîne.

Tê payîn ku sibe jî 13 ton xwarin û 3 ton derman ji bo ziyanbînan bişîne.

Wezîra Agahdarkirinê ya Libnanê îstifa kir

Di demeke ku amadekariyên konfransê dihat kirin de, Wezîra enformasyonê yê Libnanê Menal Ebdussamed ji karê xwe istiaf kir.

Menal Ebdussamed di axaftina xwe ya bi rêya televîzyonê de ji gelê Libnanê lêborîn xwest û wiha got:

“Ji ber me hêviya gelê xwe nekarî bicih bînin, lêborînê dixwazim.

Di dema kin de, ti nîşaneyên guherînê tineye, ji ber vê yekê ez ji erka xwe ya wezîrtiyê îstifa dikim.”

Bi vî wayî jimara kesên ji erêkê xwe îstifa kirine gihişt 5’an.

Serokwezîr Hesen Diyab anî ziman ku weke welatekî ku ji krîza heyî bandor bûyî ew li ser projeyek hilbijartina pêşwext dixebitin.

Back to top button