Berdevka HDP’ê Ebru Gunay destnîşan kir ku li Tirkiyê di serî li dijî kurdan û li dijî gelek aliyên civakî nêçîra binçavkirin û girtinê hatiye destpêkirin û got: Zikê me ji sozên reformên deshilatê têr e. Referoma rastî çûyîna pergala we ya xerabûyî ye.
Berdevak HDP’ê Ebrû Gunay li Navenda Giştî ya DBP’ê ya li Amedê civîna çapemeniyê ya heftane li dar xist û mijarên di rojevê de nirxand.
Ebrû Gunay bi gotinên “Em bi coş in, moralê me xweş e û em bi hêz in” dest bi axaftina xwe kir.
Gunay got ji ber çalakî û şahiyên 25’ê Mijdarê ew jinên çar aliyên cîhanê silav dikin û wê jin tu carî li hember polîtîkayên dijminane yên li ser jinan serî netewînin.
Berdevka HDP’ê Ebrû Gunay: Em ê serê xwe netewînin
Berdevak HDP’ê anî ziman ku îro jî li gelek bajaran wan bi sepana binçavkirinê ya AKP’ê ku bi “hiqûqa dijminane” birêve dibe şiyar bûne û got:
Serê sibê dîsa bi dehan kes hatine binçavkirin.
Bi taybetî Enqere bûye navenda binçavkirinan.
Lê ya girîng jî ew bû ku duh bi şev bi ser avahiya partiya me ya Wanê de girtine.
Gunay di mijara serdegirtinên dijqanûnî de bang li Wezarîn Dadê û Karên Navxweyî kir û got:
“Em li benda we ne ku hûn ji van dizek û eşqiyayan hesab bipirsin.
Ebrû Gunay: Gotinên reformê kûrahiya krîzê dide nîşandan
Ebrû Gunay destnîşan kir ku gotinên Serokê AKP’ê Erogan ên derbarê reformê de ne rasteqîn in û ev tişt anî ziman.
Ev deshilat nikare birînên civakê yên ji bo edaletê bipêçê û nikare pêşî li neheqiyan bigire.
Gotinên ‘reformê’ yên Erdogan lixwe mikûr hatina nikarin welat birêve bibin e.
Pergala wan têk diçe.
Zikê me ji sozên reformên deshilatê re têr e.
Referoma rastî çûyîna pergala we ya xerabûyî ye.
Ebrû Gunay: Divê hêzên Kurd rê nedin dagirkirinê
Gunay bal kişand ser “Peymana Şengalê” ku li herêmê rê li ber aloziyan vekiriye û bang li hemû hêzên kurd kir ku li ser rihê yekîtiya neteweyî ya kurd tevger bikin û rê nedin dagirkirina Şengalê.
Berdevak HDP’ê Ebrû Gunay ji bo çareseriya pirsgirêkên heyî jî banga demildest ya rabûna tecrîda li Îmraliyê kir.
