Hebûn û metirsiya DAIŞ’ê di rojevê de cihê xwe diparêze.
Her çiqasî bi hezaran DAIŞ’î li girtîgehanin û bi dehhezaran malbatên wan li Kampa Holê ne, lê di her fersendekê de metirsiya wan hîn zêdetir diyar dibe.
Rojnameya Bêrîtanî Daily Mail li ser xebatên şaneyên DAIŞ’ê yên li Ewropa bi rêya muxbîrên xwe nûçeyek amade kir.
Di nûçeya hatî parvekirin de, tevna zindîbûna DAIŞ’ê dide xuyakirin.
Rojnameya Daily Mail ya Bêrîtanya derbarê şebekeya komekê ku dixwazin malbatên DAIŞ’iyên li Kampa holê birevin û alîkariyê kom dike de nûçeyek amade kir.
Li gorî rojnamê ev kom li tirkiyê kar dikin.
Rojnameyê diyar kir bi rêya muxbirê xwe re oparasyonên û tevgera vê komê kişandiye.
Cara yekem bi rêya malperek ku li Ingiltere weşan dikir, hewildanên revandina jinekê ji kampê hatibû kirin.
Jina binavê Sumeya Holmes a ji kampê reviya Tirkiyê, ji bo jinên din jî werin revandin, tevlî koma ku pereyan kom dike bû.
Holmes ji Bosna Hersekê tevlî DAIŞ’ê bû.
Holmes li ser hesabê xwe yê Facebook’ê wêneyê jinên li Kampa Holê ku dixwazin birevin parve dike.
Di wêneyeke ku ajansê parvekirî de, di destê jineke DAIŞ’ê de pankartek heye û li ser dibêje ji bo ji kampê bireve, pêwistiya wê bi 6 hezar dolar heye.
Rojname, agahiyên berfireh yên muxbîrê wan çawa ev agahî girtine jî bi xwendevanên xwe re parvekiriye.
Muxbîrê rojnamê yê li Londonê despêkê li nava zerfekê pirtûkekê bicih dike û ji endamên komê re dibêje min pere li cihê ku we xwestiye daniye.
Li ser vê yekê endamên komê diçe cihê bûyerê û temaşe dike li nava zerfê tenê pirtûk heye.
Piştî vê endamên şaneya DAIŞ’ê li muxbîr digerin û dibêjin tu henekê xwe bime dikî.
Muxbîr jî diçe navenda polîsan ya li Londonê û bûyerê ji wan re vedibêje.
Ev yek jî nîşan dide ku tevna DAIŞ’ê çiqasî aktive û metirsiya wê careke din radixe ber çavan.
Tevî van belgeyan heta niha li Ewropa û welatên din yên cîhanê ji bo DAIŞ’iyên girtî xemsariyek zêde heye.
Li Kampa Holê bi dehhezaran malbatên DAIŞ’î û zarokên wan hene.
