Rêxistina Efû ya Navneteweyî cezayê 6 salan li ser 5 rojnamegeran şermezar kir.
Îro Dadgeha Bilind a Başûrê Kurdistanê li dijî 5 rojnameger û çalakvanan cezayê 6 salan birî û Rêxistina Efû ya Navneteweyî ev biryar şermezar kir û got divê yekser werin berdan.
Rêxistina Efû ya Navneteweyî der barê paşxaneya biryara Dadgeha Bilind a Başûrê Kurdistanê ya girtina gelek rojnameger û çalakavan de daxuyaniyek da û wiha tê de hate gotin:
“Di 28’ê Nîsanê de, dadgehê ceza li dijî çalak û rojnamegerên bi navên; Şêrwan Şêrwanîû Kehdar Zîbarî, Harîwan Îsa, Ayaz Kerem û Şivan Seîd birî.”
Di daxuyaniyê de wiha hate destnîşankirin: “Di 16’ê Şibatê de Dadgeha Cînayetan a Hewlêrê cezaya 6 salan li dijî 5 kesan li gorî tawanên derew birî. Lê divê ev kes yekser û bêyî qeyd û şertan werin berdan.”
Her wiha Yekîtiya Ewropa jî hikûmeta başûrê Kurdistanê ji ber binpêkirina pîvanên mafên mirovan û girtina rojnamevanan rexne kir.
