Şerê Ukrayna û Rûsyayê bi bersivdana her du aliyên şer didome.
Ji ber windahiya hêzê Ukraynayê bang li dewletên navnetewî bi taybetî Amerîka û Yekîtiya Ewropayê dike da ku alîkariyên pêwîst bişînin.
Derbarê şerê heyî de berdevka Wezareta Karê Derve ya Rûsyayê Maria Zaharova axivî û anî ziman ku rewşa
Amerîkayê vediguhere mîna şerê Vîetnam û Efxanîstanê ku li wir wêraniyê jiyan kir.
Ukrayna şerê bi Rûsyayê re ketiye rewşeke zehmet.
Rayedarên Ukraynî di her daxuyaniyê de banga alîkariyê dikin.
Amerîka û Yekîtiya Ewropayê ku naxwazin Ukrayna têk biçe her carî radigihînin ku alîkarî bişînin Ukraynayê.
Lê alîkariya tê şandin jî têrî serkeftina Ukraynayê nake û her ku diçe xaka di destê xwe de jî winda dike.
Derbarê şerê heyî de berdevka Wezareta Karê Derve ya Rûsyayê Maria Zaharova axivî.
Mariya Zaharova diyar kir ku Amerîka dixwaze heya Ukrayniyek dawî jî bimîne Ukrayna şerê xwe bidomîne.
Her wiha Berdevk anî ziman ku rewşa Amerîkayê vediguhere mîna şerê Vîetnam û Efxanîstanê ku li wir wêraniyê jiyan kir.
Zaharova teqez kir ku heger Amerîka rasterast li gel Ukraynayê bi Rûsyayê re şer bike dê bersiveke bi biryar bê dayîn.
Nunertiya Amerîkayê pakêta alîkariyê bo Ukraynayê erê kir
Senatoya Amerîkayê pêşnûmeya ku li meclisê derbas bû dê roja sêşemê binirxîne.
Meclisa Nûneran Amerîkayê tevî nerazîbûna Komarparêzan bi piştigiriya du partiyan pêşnûmeya alîkariya ewlekariyê ku bi qasî 95 mîlyar dolare ji bo Ukrayna, Îsraîl û Taywanê qebul kir.
Di pakêta alîkariyê de 60,84 milyar dolar ji bo Ukraynayê bê dayîn.
Tê pêşbînîkirin ku 26 milyar dolar ji bo Îsraîlê, 9,1 mîlyar dolar ji bo hewcedariyên mirovahî û 8,12 mîlyar dolar ji bo herêma Hind-Pasîfîk, di nav de Taywan, were veqetandin.
Serokomarê Ukraynayê Zelenskiy di daxuyaniya xwe ya li ser hesabê xwe yê medyaya civakî da wiha got:
“Pêşnûmaya qanûnê ya alîkariyê ya jiyanî ya Amerîkayê ya ku ji aliyê Meclisa Nûneran ve hat qebûlkirin dê rê li ber belavbûna şer bigire, bi hezaran însanan xilas bike û bibe alîkar ku her du milet bihêztir bibin.”
Rayedarekî Qesra Spî anî ziman ku rêveberiya Biden di heman demê de pakêta alîkariyê ya din ji bo Ukraynayê bidawî dike,
ji ber vê yekê ew dikare beşa nû ya alîkariyê di demek kurt de ragihîne piştî ku pêşnûme bibe qanûn ji bo peydakirina hewcedariyên bilez ên Ukraynayê.
