38 meh in tu agahî ji Rêber Apo nayê girtin.
Mehmet Ocalan, birayê Rêberê Apo bertek nîşanî bersiva Wezareta Dadê da ku gotibû “tecrîd tune ye”, wiha got:
“Ger tecrîd û binpêkirin tune be, çima em nikarin hevdîtinê bikin?
Li wir çi diqewime em nizanin.Bila wezaret bersivekê bide.
Bi salan e em tu agahiyê nagirin.
Ger ev ne tecrîd be, îja çi ye?”
38 meh in tu agahî ji Rêber Apo û girtiyên din Hamîlî Yildirim, Veysî Aktaş û Omer Hayrî Konar ên li Girtîgeha Tîpa F a Ewlehiya Bilind a Îmraliyê di bin tecrîdeke mutleq de ne, nayê girtin.
Wezareta Dadê, çend roj berê ji bo serlêdana ku di 7’ê Kanûna 2023’yan de li Komîsyona Lêkolîna Mafan a Meclisê hatibû kirin, got ku “Tecrîd tune ye, Ocalan sûdê ji mafên xwe digire.”
Mehmet Ocalan: Bi salan e em agahiyê ji birayê xwe nagirin
Mehmet Ocalan, ku herî dawî di 25’ê Adara 2021’ê de bi rêya telefonê bi Rêber Apo re axivîbû û hevdîtin di nîvî de qut bûbû, bertek nîşanî bersiva wezaretê da û got:
“Wezaret nûnertiya dewletê dike. 38 meh in me haya me ji Serok tune ye.
Divê dewlet û Wezareta Dadê rastiyê bêjin. Ger ev ne tecrîd be, çi ye?
Madem dibêjin ‘Ne tecrîd e’ nexwe bila navekî bibînin.
Serok, berê di Girtîgeha Îmraliyê de bû, lê niha li ku ye em nizanin.
Li wir çi diqewime em nizanin. Bila wezaret bersivekê bide.
Bi salan e em tu agahiyê nagirin. Ger ev ne tecrîd be, îja çi ye?”
Mehmet Ocalan: Gelê Kurd serok wekî Rêberê xwe esas digrin
Mehmet Ocalan ku got “Mafê me ye em bi rastiyê zanibin. Divê wezaret rastiyê bibêje” wiha pê de çû:
“Heya ev neyê kirin wê kes ji heq, hiqûq û edaletê bawer neke.
Serok, ne kesekî ji rêzê ye. Kurd, wî wekî Rêberê xwe esas digirin.
Rêveberên Komara Tirkiyeyê qebûl dikin an nakin, ev meseleya wan e, lê kurdan bi salan e wiha qbeûl kiriye.”
Mehmet Ocalan: Divê li dijî tecrîde her kes bertek nîşan bide
Mehmet Ocalan bal kişand ser çalakiyên bi daxwaza “Azadî ji Abdullah Ocalan û çareserî ji pirsgirêka kurd re” û got:
“Divê her kes berteka xwe ya demokratîk bilind bike.
Ger em nikaribin vê bikin, em ê dereng bimînin.
Kesên dibêjin em demokrat û rewşenbîr in, divê berteka xwe nîşan bidin.”
