Amerîka û Îngilîstanê li dijî balafirgeha navneteweyî ya Hudeydayê êrîşên hewayî pêkanîn.
Husiyan derbarê vê yekê de daxuyanî dan û ragihandin ku 6 êrîşên heewayî li dijî balafirgehê pêk hatiye.
Her wiha çavkaniyekî leşkerî ji Fermandariya Hêzên Hevbeş a hikûmeta Yemenê ya ku ji aliyê navneteweyî ve tê naskirin piştrast kir ku odeya operasyonên Hûsiyan, ji aliyê hêzên deryayî ve hatiye armanckirin.
Hûsiyên Yemenê ragihand ku ji aliyê Amerîka û Îngilîstanê ve 2 êrîşên hewayî li dijî Balafirgeha Navneteweyî ya Hudeydayê ku niha di bin kontrola wan de ye, pêk anîne.
Di daxuyaniya xwe ya duh de Hûsiyan ragihandibûn ku Amerîka û Îngilîstanê 6 êrîşên hewayî li ser Balafirgeha Hudeyde pêk anîne.
Balafirgeha Hudeydeyê ya ku ji bo geştên navxweyî û navneteweyî 3 kîlometro pîst heye, ji ber nakokiyên di navbera hikûmeta Yemenê û Hûsiyan de ev nêzî 10 sal in naxebite.
Serokê Hûsiyên Yemenê Abdulmelik El-Hûsî di daxuyaniya xwe ya îro de diyar kir ku wan ji Mijdara 2023’yan vir ve 119 keştiyên Amerîka, Îsraîl û Îngilîstanê li Deryaya Sor, Deryaya Uman û Okyanûsa Hînd kirine hedef.
Li Hudeydayê odeya operasyonê ya Husiyan hat armanckirin
Her wiha çavkaniyekî leşkerî ji Fermandariya Hêzên Hevbeş a hikûmeta Yemenê ya ku ji aliyê navneteweyî ve tê naskirin piştrast kir ku odeya operasyonên Hûsiyan, ji aliyê hêzên deryayî ve hatiye armanckirin.
Çavkaniyê ji Ajansa Nûçeyan a Cîhanî ya Erebî (AWP) re axivî û diyar kir ku di êrîşa li dijî odeya operasyonê ya keştiyeke hêzên deryayî ya koalîsyona Amerîka û Îngilîstanê de 7 û 10 serkirdeyên rêxistina çekdar hatin kuştin û birîndarkirin.
Li gorî zanyariyan, keştiya hêzên deryayî mûşekek avêtiye.
Paşê, çend saniye piştî ku ji aliyê Hûsiyan ve hat avêtin, mûşekeke navbirî ku mûşekeke balîstîk armanc dikir, li bilindahiyek nizim li ser mala serokê berê teqiya.
Rewşa li Behra Sor
Hûsiyên ku Îran piştgiriya wan dike li Yemenê, ji 31’ê Cotmeha 2023’yan vir ve dest danîne ser keştiyên bazirganiyê yên li peravên Yemenê, ku ew dibêjin girêdayî şîrketên Îsraîlê ne, wek berteka li hember êrîşên Îsraîlê yên li ser Xezeyê.
Piştî kiryarên Hûsiyan, gelek şîrketên keştiyan biryara rawestandina seferên xwe yên li Behra Sor dan.
Amrîkayê ragihand ku di 18’ê Kanûna 2023’yan de bi beşdariya komek welatan li dijî hêzên Hûsî bi hinceta ku ewlehiya bazirganiya deryayî ya cîhanî ketiye xeteriyê, “hêzeke peywira deryayî” ya pirneteweyî hatiye avakirin.
