Rayedarên Ukraynayê diyar kirin ku di du êrîşên cuda de 3 kesan mirine ku li gorî wan ji aliyê Rûsyayê ve hatine kirin.
Waliyê Herêma Zaporijyayê diyar kir ku di roja dawî de 313 êrîş hatine kirin û êrîş li 11 mezrayan hatiye kirin û li herêma wî gelek avahî xera bûne.
Rayedarên Ukraynayê diyar kirin ku di du êrîşên cuda de 3 kesan mirine ku li gorî wan ji aliyê Rûsyayê ve hatine kirin.
Li Zaporijya ya li başûrê welêt zarokek 8 salî jî di nav de 2 kes mirin, li navenda bajarê Dinipro jî di êrîşa bi moşekan da kesek mir.
Rayedaran îdia kirin ku Rûsyayê her wiha li du herêman êrîşî binesaziya trênê û tesîseke enerjiyê ya li Çernihiv a li bakur jî kir.
Wezareta Karên Hundirîn ya Ukraynayê ragihand ku di êrîşa bi şev a li dijî kompleksa otêlê de jinek û kurê wê yê 8 salî mirin û hevjîn û keça wê jî birîndar bûn.
Li gorî daxuyaniya wezaretê, keça birîndar di bin çavdêriya giran de tê dermankirin.
Binêsaziya rêyên hesinî jî hat armanckirin
Waliyê Herêma Zaporijyayê Îvan Fedorov di daxuyaniya xwe ya derbarê mijarê de diyar kir ku di roja dawî de 313 êrîş hatine kirin û êrîş li 11 mezrayan hatiye kirin û li herêma wî gelek avahî xera bûne.
Hêza hewayî ya Ukraynayê jî ragihand ku di êrîşên bi şev de 27 ji 35 balafirên bêmirov hatine xistin.
Di daxuyaniyê de hat diyarkirin ku di êrîşê de 4 moşek hatine bikaranîn.
Wezareta Enerjiyê ya Ukraynayê ragihand ku li bakurê welêt li herêma Çernihiv li tesîseke enerjiyê êrîşeke balafireke bêmirov hat kirin.
Hat diyarkirin ku di êrîşê de 3 xebatkarên tesîsê birîndar bûne.
Li gor daxuyaniya Rêhesinê ya Dewletê ya Ukraynayê, di êrîşên ku bi şev hatin kirin da li Sumiy ya li bakurê rojhilatê welêt û li herêma Dinipro ya li hundir jî binesaziya trênê û wesayîtan hatin hedefgirtin.
