Di êrişên dawî yên artêşa Îsraîlê de li Xezayê 19 kes hatin kuştin.
Her wiha artêşa Îsraîlê fermanek da ku Filistîniyên li 10 deverên bakurê Xezayê dersînor bike û gefa êrîşê li wan xwar.
Berdevkê artêşê Avichay Adraee, ji Filistîniyan xwest ku “ji ber sedemên ewlehiyê” deverên ku behsa wan tê kirin vala bikin.
Li Şerîda Xezayê êrişên artêşa Îsraîlê didome.
Di êrîşên dawî yên artêşa Îsraîlê de li Şerîda Xezayê 19 kes hatin kuştin.
Li gorî agahiyên ku ji aliyê çavkaniyên herêmî ve hatine dayîn, dema ku artêşa Îsraîlê li nêzî navendeke belavkirina alîkariyê li bajarê Refahê de gule li Filistîniyan barand, 8 kes hatin kuştin.
Di êrîşeke hewayî ya artêşa Îsraîlê de li rojhilatê Xan Yûnis ê li başûrê Şerîda Xezayê kesek hat kuştin.
Di daxuyaniya ku ji aliyê Nexweşxaneya Xezayê ve hatiye dayîn, di êrîşeke artêşê de sivîlên ku li Kampa Penaberan a Nuseyratê lê kom bûbûn, 3 kes hatin kuştin û 9 kes jî birîndar bûn.
http://doc.afp.com/49JV9NP
Di daxuyaniyê de hatiye diyarkirin ku 31 kesên ku di encama gulebaranê de li ser kesên ku li benda alîkariyê li dora xala belavkirina alîkariyê li herêma bi navê “Korîdora Netzarim” a li navenda Xezzeyê ne, birîndar bûne, rakirine nexweşxaneyê.
Di êrîşên li ser taxên Et-Tuffah û Eş-Şucayiye yên bajarê Xezayê de 4 kes hatin kuştin, û di êrîşeke hewayî ya li ser herêmeke ku sivîl lê kom bûbûn de li taxa Zeytûnê 3 kes hatin kuştin.
Hat ragihandin ku di êrîşên li ser deverên cûda yên Şerîda Xezayê de gelek kes birîndar bûne.
Artêşa Îsraîlê gefa dersînorkirinê li 10 deverên Bakurê Xezayê dixwe
Her wiha artêşa Îsraîlê fermanek da ku Filistîniyên li 10 deverên bakurê Xezayê dersînor bike û gefa êrîşê li wan xwar.
Berdevkê artêşa Îsraîlê Avichay Adraee (Evikey Edrî) nexşeyek li ser hesabê xwe yê X’ê parve kir, ku Xezayê li blokên bi hejmarên piçûk hatiye dabeş kirin û “herêmên qedexekirî” bi sor hatine nîşankirin.
Adraee diyar kir ku fermana dersînorkirinê ji bo kesên li taxên Cibaliya, Kampa Penaberan a Cibaliya, El-Belde el-Qadîme, En-Nahda, El-Rewda, El-Selam, En-Nur, Et-Tuffah, Ed-Derac û Tel el-Zater e.
Berdevk Adraee ragihand ku artêşa Îsraîlê li herêmê di pevçûnên tund de ye, ji Filistîniyan xwest ku “ji ber sedemên ewlehiyê” deverên ku behsa wan tê kirin vala bikin û ber bi deverên ewle yên Xezayê ve biçin.
Adraee, diyar kir ku herêm herêmeke “pevçûnên xeternak” e, îdia kir ku vegera herêmê dê xeternak be da ku Filistînî venegerin.
Bîlançoya miriyan li şerîda Xezayê gihişt 55 hezar kesan
Artêşa Îsraîlê, piştî agirbesta ku di 19’ê Çile de li Şerîda Xezeyê ket meriyetê, di sibeha 18’ê Adarê de êrîşên xwe yên tund ji nû ve dest pê kir.
Ji dema ku artêşa Îsraîlê êrîşên xwe ji nû ve dest pê kir, 4 hezar û 603 Filistînî, ku piraniya wan kal, jin û zarok bûn, jiyana xwe ji dest dan û 14 hezar û 186 kes birîndar bûn.
Di êrîşên Îsraîlê yên li ser Şerîda Xezayê de ji 7’ê Cotmeha 2023’yan vir ve, herî kêm 54 hezar 880 kes hatin kuştin û 126 hezar û 227 kes birîndar bûn.
