Li paytexta Meksîkayê Mexîco Cîty di 10’ê Îlonê de tankerek gazê teqiya bû. Hejmara qurbaniyên bûyerê derket 29 kesan.
Li herêma Iztapalapa ya li rojhilatê bajêr tankerek ku nêzî 50 hezar lître gaz hildigirt, teqiya bû.
Teqînê paytext hejand û bû sedem ku li herêmê tirs çêbibe.
Rayedarên Şaredariyê, ragihandin ku hejmara qurbaniyên bûyerê derket 29 kesan.
Hat diyar kirin ku dermankirina 16 kesan hêj li nexweşxaneyê didome.
Li gorî lêkolîna ewil a dozgeriya herêmî, dibe ku qeza ji ber leza zêde ya kamyonê pêk hatibe.
Di encama lêkolînê de hat diyar kirin piştî qezayê derzek çêbûye û bi herikîna gazê re şewat derketiye.
Hat ragihandin ku ji ber vê qurbanî bi awayekî giran şewitîne.
Serokê Şaredariya Mexîco Cîty Clara Brugada, ragihand ku ew ê li metrepola ku nifûsa wê 9,2 mîlyon e, ji bo sererastkirina trafîka tedbîrên nû bigirin.
