Navenda Çavdêriya Mafên Mirovan a Sûriyeyê bîlançoya salekê ya sêcên kuştin li Sûriyê pervekirn
Li gorî çavdêriyê di 2025ˊan de 9272 kes hatin kuştin.
Tenê di meha Kanûnê de, 181 kes ku di nav de 17 jin û 16 zarok hene hatin kuştin.
Piştî ku rejîma Baasê hilweşiya, bi piştgiriya hêzên navneteweyî, mejiyekî cîhadîst danîn ser desthilatdarita Sûriyê.
Ev rejîm di destpêkê de pesnê xwe da lê piştre rûyên xwe yê rast derxist.
Li herêmên di bin kontrola vê hikûmete de kuştin û revandin pir zêdeye.
Tenê di salekê de 9272 kes bi rêbazên cuda hatine kuştin.
Bê guman gelek jin jî hatin revandin, kuştin û bi zorê hatin zewcandin.
Hikûmet jî socdaran diparêze û kujerên dixe nav rêvebriya hikûmetê de.
Di meha kanûnê de 181 kes li Sûriyê hatin kuştin
Di meha Kanûnê de 181 kes ku di nav de 17 jin û 16 zarok hene hatin kuştin.
Yê herî zêde bandor dibe jî jinin.
Saziya Çavdêriya Mafên Mirovan a Sûriyê ragihand ku 127 jin ji aliyê komên çekdar ên ser bi Hikumeta Veguhêz a Şamê ve hatin kuştin.
Li gorî Tora Mafên Mirovan a Sûriyeyê jî tenê di komkujiyên li herêmên peravê de zêdeyî 100 jin hatin kuştin, li Siwêdayê jî 130 jin hatin kuştin.
Ev bûyera ku di meha dawî ya sala 2024’an de qewimî, ji bo jinên ku salên dûr û dirêj di bin zext, zilm û komkujiyan de man, nîşan da ku tenê nav hatiye guhertin, lê tiştekî din nehatiye guhertin.
Du mehên pêşîn ên 2025’an bi berxwedana Bendava Tişrînê û Pira Qereqozaxê derbas bûn.
Dewleta Tirk ji bo ku berxwedanê bişikîne, pir caran êrîş bir ser konvoyên ku diçûn nobetê.
Di 8’ê Çileyê de, di bombebarana li ser konvoya ku diçû Bendava Tişrînê de, yek ji rêveberên Kombûna Jinan a Zenûbiya, Kerem Ehmed Şehabî El Hemed hatin şehîdxistin.
11’ê Çileyê de, di êrîşeke li ser herêma Koçerat a Dêrikê de, yek ji rêveberên Kongra Star Şehnaz Omer şehîd bû..
19’ê Çileyê de, di êrîşa dewleta Tirk a dagirker a li ser Bendava Tişrînê de, endama Meclîsa Giştî ya PYD Menîce Heyder şehîd bû.
22’yê Çileyê de, Ronîz Mihemed Elî ya ku di 15’ê Çileyê de di êrîşa li ser Bendava Tişrînê de giran birîndar bûbû, şehîd bû.
Di 24’ê Çileyê de, Fermandariya Giştî ya YPJ’ê eşkere kir ku di berxwedana li dijî êrîşa dagirkeriyê ya li ser Bendava Tişrînê de, Fermandar Arjîn Kobanê şehîd ketiye.
Kuştin û sûcên li dijî gelê Sûriyê li vir bi dawî nebû.
Di salek ya desthilatê de, 29 jê zarok 650 jin ji ber bermahiyên şer, êrişên çekdarî, êrişên mezhebî, tundiya nava malbatê û tundiya civakî hatin kuştin.
Bûyer herî zêde li bajarên Heleb, Şam, berav, Siwêda û herêmên Dêrazorê yên di bin kontrola Şamê de ne, rû dan.
Heleb: 2 jê zarok 31 jin
Şam: Yek jê zarok 14 jin
Hums: 8 jê zarok 34 jin
Hama: 3 jê zarok 36 jin
Dera: 5 jê zarok 23 jin
Lazqiye: 16 jin
Dêrazor: 2 jê zarok 28 jin
Siwêda: 2 jê zarok, 34 jin
Bejahiya Şamê: Yek jêz arok 29 jin
