Ofîsa Partiyên Siyasî yên panelek bi sernavê ‘Rola Jinan di Avakirina Sûriyeya Nû de’ li dar xist.
Ofîsa Partiyên Siyasî yên jin ên bajarê Kobanê ji bo hebûna jinan di destûra Sûriyeyê de, bi dirûşma “Di bin ala Yekîneyên Parastina Jin (YPJ) de yekbûna jinên Sûriyeyê ji bo azadî, edalet û wekhevî” li hola PYD`ê ya Kobanê bi amadebûna bi sedan jinan panelek li dar xist.
Mijara yekemîn a panelê li ser rola jin di avakirina Sûriyê de ji aliyê endama rêveberiya bajarê Kobanê Rûken Ehmed ve û mijara duyemîn a têkildarî rola YPJ`ê di parastina jinan de û di parastina Sûriyeyê de ji aliyê ji fermandarên YPJ’ê Dilbirîn ve hat birêvebirin.
Piştî axaftinan sînevîzyonek li ser rol û têkoşîna jin hate pêşandan. Panel bi encamnameyekê bi dawî bû. Encamname wiha ye:
“Bi dirûşma “Rola Jinan di Avakirina Sûriyeya Nû de” de û bi destpêkirina ji bajarê Kobaniyê ku sembola berxwedan û fedakariyê ye û bi hebûna komeke bijarte ya jinên nûnerên guhertin û serfiraziyê, di nav de nûnerên Meclisa Malbatên Şehîdan, qehremanên Hêzên Parastina Jinan (YPJ), şervanên jin ên Hêzên Ewlekariya Hundirîn (Asayîş), ofîsên jinan di partiyên siyasî û Kongre Star de, rêveberên di saziyên rêveberiyê de, Tevgera Civaka Demokratîk, Tevgera Îslama Demokratîk û jinên ciwan ên pêşeng, me di 6’ê Hezîrana 2026’an de, bi heman dirûşmeyê forumeke diyalogê ji bo jinan li dar xist. Forum li ser du mijarên sereke sekinî: ya yekem rola Hêzên Parastina Jinan di parastina jinan û Sûriyeyê de ye, û ya duyemîn jî rola jinan di tevgerên femînîst û saziyên rêveberiyê de ye. Bi rêya nîqaş û diyalogê, forumê çend encam bi armanca hêzdarkirina jinan û avakirina Sûriyeya nû derxist holê ku mîrateyeke têkoşînê û vîzyoneke pêşerojê ji bo avakirina Sûriyeyeke azad, demokratîk û aştiyane temsîl dike.
Xebat ji bo danîna prensîba temsîliyeta jinan di saziyên Sûriyeya nû de, ji hêla destûrî û qanûnî ve, tevî misogerkirina temsîliyeta herî kêm ji sedî 50ji bo jinan di şaxên yasadanîn, rêveberî û dadwerî de, li gorî ezmûna serketî ya rêveberiya .xweser li Bakur û Rojhilatê Sûriyeyê.
Vegerandina rola Yekîneyên Parastina Jinan wek artêşeke neteweyî ya Sûriyeyê ya bi temamî, bi fermî naskirina wan wekî pişta parastina jinan û parastina Sûriyeyê li dijî terorîzm û tundrewiyê û banga entegrekirina wan di avahiya Wezareta Parastinê ya Sûriyeyê ya pêşerojê de di heman demê de parastina serxwebûna wan a rêxistinî ya exlaqî û leşkerî.
Destpêkirina kampanyayek esiyasî û qanûnî ya navneteweyî ya tavilê ji bo misogerkirina azadiya rêberê fîlozof Abdullah Ocalan, rê li ber serokatiya wî ya veguherîna demokratîk û aştiya berfireh li Sûriyeyê û herêmê vedike, ji ber ku ew mîmarê rewşenbîrî û exlaqî yê modela ji bo hêzdarkirina jinan û civakek demokratîk e. Desteyeke yasayî ya jinan a bilind, ku ji parêzer û dadwerên jin ên -endamên partîyên siyasî û rêxistinên civaka sivîl pêk tê, da ku qanûneke rewşa kesane ya yekgirtî amade bike ku hemû cureyên cudakariyê li dijî jinan ji holê rake û zewaca zû, şîdeta navmalî û kuştinên ji bo namûsê sûcdar bike.
Xurtkirina têkoşîna siyasî û sivîl di bin slogana “Jin, Azadî, Jiyan” de û çêkirina wê çarçoveyeke neteweyî ya berfireh ku rizgariya fîzîkî, siyasî û rewşenbîrî ya jinan bi avakirina pergaleke demokratîk a nenavendî ve girêdide ku edaleta civakî ji bo her kesî garantî dike. Avakirina akademiyeke neteweyî ji bo perwerdekirina jinan di rêberî, dîplomasî û çareserkirina nakokiyan de, bi karanîna pisporîya bi hezaran jinên ku li Kobanî û deverên din.
Xebata ji bo avakirina foneke neteweyî ji bo piştgirîkirina rêberên jin di qonaxa piştî şer de, ku ji hêla Hikûmeta Demkî ya Sûrîyeyê û rêxistinên navneteweyî ve tê fînansekirin, da ku ji jinên ku dixwazin projeyên xwe yên aborî ava bikin û zirarên ku ji ber şer kişandine tezmînatê bidin wan
Ji nû ve avakirina Asayîş û saziyên ewlekariya navxweyî da ku yekîneyên -jinan ên pispor ji bo parastina navendên ewle ji bo jin û keçan, têkoşîna li dijî bazirganiya mirovan û misogerkirina hawîrdoreke ewle ji bo jinan di stargehan de tê de hebin.
Di encamê de; 14 salên me yên li bajarê roj û berxwedanê ji cîhanê re îspat kirine ku jin garantorên yekane yên demokrasî û azadiyê ne. Ev encam ne tenê pêşniyar in, lê belgeyek siyasî, leşkerî û manewî ne ku em ji Kobaniyê ber bi avakirina Sûriyeya nû ve dest pê dikin, Sûriyeyek ku bi destên me hatiye avakirin – rêberî, rêxistin û nirxan. Rûmet ji şehîdên me re, azadî ji bo me, fîlozof Abdullah Ocalan û jiyana hevbeş ji bo gelê serbilind e.”
