Serokê DYA’yê Donald Trump îdîa kir ku Îranê qebûl kiriye ku ti carî nebe xwedî çeka nukleerî.
Serokwezîrê Pakistanê Şahbaz Şerîf jî got, ew li bendê ne ku peyman di nava 24 saetan de temam bibe.
Serokê DYA’yê Donald Trump li ser hesabê xwe yê medya dîjîtal daxuyanî da û îdîa kir ku Îranê qebûl kiriye ku nebe xwedî çeka nukleerî.
Trump di parvekirina xwe de got:
“Komara Îslamê ya Îranê qebûl kir ku ti carî nebe xwedî çeka nukleerê.”
Her wiha Serokê DYA’yê ragihand ku Tengava Hurmuzê ku xwedî girîngiyeke stratejîk e “wê di demeke nêz de jinûve vebe.”
Pakistan: Peyman dibe ku di nava 24 saetan de temam bibe
Li aliyê din, Serokwezîrê Pakistanê Şahbaz Şerîf ku di danûstandinên dîplomatîk ên bi Îranê re navbeynkariyê dike, daxuyaniyeke balkêş da.
Şerîf li ser platforma X’ê got, ew li bendê ye ku peyman di nava 24 saetên dawî de bi encam bibe.
