Li dijî gef û êrişên dewleta Tirk yên li ser Bakur û Rojhilatê Sûriyê nerazîbûn zêde dibin
Rûspiyên eşîrên Şehbayê li dijî gef û êrişên dewleta Tirk nerazîbûn nîşandan û bang li hemû gelên herêmê kirin li ber êriş û dagirkeriyê rabin.
Dewleta Tirk a dagirker ku bi dest pêka êrişên DAIŞ’ê yên li dijî herêmê re ew jî kete nava liv û tevgera dagirkeriyê, heta niha gelek herêmên Bakur û Rojhilatê Sûriyê dagir kirine.
Rayedarên dewleta Tirk û Şefê hikumeta Faşîst Erdogan cardin bi hemleya dagirkirina herêmê dixwazin xwe ji çirava rewşa xirab ya welat xilas bikin.
Li dijî gefxwarinên Erdogan, gelên Bakur û Rojhilatê Sûriyê li ser piyanin û bi çalakiyan bertekên xwe yê ji bo vê yekê nîşan didin.
Rûspiyên Eşîrên Şehba Hec Nedîm El-Sadêq, Îbrahîm Elî Ibin Mûse, Hesen Ehmed Rimo tekildarî gefên hikumeta dewleta Tirk a dagirker yên ji bo herêmê axivîn û nerazîbûn nîşan dan.
Rûspiyan diyar kirin ku Sûriyê ya gelê Sûriyê ye û hebûna Tirkiyê li Sûriyê dagirkerî ye.
Ji Rûspiyê Eşîra herêma Şehba Dimlî Hec Nedîm El-Salêq bal kişand ser ewlehiya herêma Şehba û got,
”Ger ji aliyê çeteyên dewleta Tirk û dewleta Tirk bi xwe ve êriş çênebin gelê herêma Şehba bi aramî û ewlehî dijîn.
Lê piştî van gefan gel bi hêrs e, ji ber wê ji bo ku gelê me bi aramî û aştî bijî, me biryar daye ku em li hemberî êrişên dewleta Tirk li ber xwe bidin û tu carî serî ji dagirkeran re netewînin.”
Rûspiyê Eşîra Betûş Îbrahîm Elî Ibin Mûse jî tekildarî mijarê axivî û diyar kir ku dewleta Tirk û hevkarên wan jiber negihiştin armancên xwe, niha jî dixwazin gelê Sûrî û gelê Kurd qetil bikin.
Hesen Ehmed Remo ku yek ji Rûspiyên eşîra Dîden e jî got, ”Em dibînin ku li Efrînê, Ezaz û herêmên din çawa dewleta Tirk zimanê Tirkî li ser xelkê herêmê ferz dike û çawa demografiya herêmê diguherîne.
Rûspiyên Eşîrên Şehba eşkerin ku ew ê li dijî dagirkeriya dewleta Tirk jî tu carî bêdeng nemînin û ew ê bi tundî li hemberî dagirkeriya Tirk bisekinin.
Rûspiyan dawî de bang li hemû gel û rûspiyên eşirên di bin dagirkeriya tirk de kirin ku li dijî dewleta Tirk serî hildin.
