Endama Komîteya Navendî ya PKK’ê Hêlîn Umît bi boneya salvegera 44’an a PKK’ê axivî û diyar kir ku di sala 44’an de Parastina Kurd û Kurdistanê di her astê de û serkeftin wê pêk were. Hêlîn Umît bang li herkesî kir ku di sala 44’emîn a partiyê de li ser bingeha azadiya Rêber Apo li Kurdistanê Pêngava ‘Dem dema azadiyê ye’ geş bikin.”
Endama Komîteya Navendî ya PKK’ê Hêlîn Umît bûyerên siyasî yên rojeva Kurdistan û Tirkiyê û polîtîkayên qirêj ên dewleta Tirk ên li dijî jinê ji ANF’ê re nirxand.
Hêlîn Umît salvegera 44’an a damezrandina PKK’ê,li Rêber Apo, li jinên azad, li gelê Kurd pîroz kir.
Hêlîn diyar kir ku PKK ji ber pêdiviya hebûn û azadiyê ya gelê Kurd ava bûye û got ”
“PKK bûye çavkaniya hêviya mirovahiyê, israra di jiyana azad de ye, xeta jinên azad û rastiya gel e.
Rêber Apo, PKK wekî warekî lêgerîna azadiya jinan û wekî amûreke xurtbûna bindest, hejar û kesên hatine înkarkirin ava kir.
PKK navê xeta geşkirin û parastina gelên bindest û jin karibin nasnameyekê ji xwe re bi dest bixin.
Hêlîn Umît: azadiya rêber Apo, azadiya tevahî jinan û gelên bindest
Hêlîn Umît behsa tecrîda girankirî ya li Îmraliyê jî kir û anî ziman ku bi rêya pergala êşkence û tecrîdê tê xwestin bandora Rêber Apo were şikandin.
“Dixwazin gelê Kurd bê Rêbertî bihêlin bi seroktiyên sixte yên wekî PDK’ê bixapînin. Ev jî kirineke rejîma şerê taybet e û îdeolojîk e.
Rêber Apo azadiya civakê bi azadiya jinan girêdaye û serweriya faşîzmê ya li ser civakê jî bi koletiya jinan girêdaye. Heta ku Rêber Apo azad be, wê jin azad bin û heta ku Rêber Apo xwedî bandor be wê azadiya jinan bi pêş ve biçe.
Hêlîn Umît balkişand ser rola ciwanan di nava civakê de û teqez kir ku bi jiyana azad re wê jiyana bedew, watedar û hezkirin pêk were.
Hêlîn Umît: Tunekirina nasname û vîna jinan, ji bo wê biçûkxistina herî mezin e
Endama Komîteya Navendî ya PKK’ê diyar kir ku faşîzma AKP û MHP’ê, dijminê jinan in û bi polîtîkayên destdirêjî û fuhûşê dixwazin nirxên civakê ji holê rakin û got:
“Di pergalên faşîst, nijadperest û olperest de, cihê jinan qet tune. Faşîzma Erdogan û Bahçelî dijminatiyê li hemberî jin-dayikê dikin.
Divê hemû jinên Kurd bizanibin, li cihekî ku mêtingerî heye, wê hezkirin û evîn tunebe.Tunekirin û şikandina nasnameya jinan û îradeya wê, ji bo jinan biçûkxistina herî mezin e.
Endama Komîteya Rêveber a PKK’ê Hêlîn Umît têkildarî êrişên dewleta Tirk a dagirker li dijî tevgera azadiyê jî wiha anî ziman;
“Êrişên dagirker ên ku faşîzma AKP û MHP’ê li hemberî Herêmên Parastinê yên Medyayê di 23’ê Nîsanê de dabûn destpêkirin, di esasê xwe de ji bo tasfiyekirina gerîla û PKK’ê ye.
Gerîlayên YJA Starê sembola welatparêziyê, îradeya cewherî, fikra azad û jiyana rêxistinkirî ya komunal e.
Ji bo vê li hemberî mêtingeriya qirker, pêşengtiyê ji şerê berxwedana herî heybet a dîrokê re dikin.
