Ûkrayna li ber rehma Rûsya hate hiştin. Serokomarê Ûkrayna Zelensky yê vê yekê dibîne wiha got: Di şerê li dijî Rûsya de em bi tenê hatin hiştin. Gelo kî dikare bi mere li dijî Rûsya şer bike. Kesekê nabînim. Her kes ditirse. Zelensky li ser rewşa dawî ya li welat jî agahî da.
Di şerê li dijî Rûsya de em bi tenê hatin hiştin.
Piştî hewildan û danûstandinên biheman yên Serokomarê Ûkrayna Volodymyr Zelensky ya li gel welatên Rojava dawiya dawî gotina derketî ev bû.
Welatên Rojava yên ku beriya oparasyona leşkerî ya Rûsya li ser Ûkrayna, peyamên piştevaniyê didan niha bêdengin.
Volodymyr Zelensky bi daxuyaniyekê li ser Facebookê ragihand ku artêşa Ûkraynayê karî hema hema tevahiya welat biparêze.
Zelenskiy bi bîr xist ku Balafirgeha Hostomelê ji hêzên Rûsyayê hatiye paqijkirin û wiha got:
“Ev yek baweriyê dide paytextê.
Li gorî daneyên sereke me 137 leheng û welatiyên me jiyana xwe ji dest dan.”
Serokomarê Ûkrayna diyar kir ku ew bi mayîna li avahiya hikûmetê xebatên xwe didomînin û ev tişt anî ziman:
“Li gor agahiyên ku ketine destê me dijmin ez kirime armanca xwe ya yekem.
Malbata min hedefa duyemîn e.
Bi tinekirina serok re, dixwazin Ûkraynayê ji aliyê siyasî ve îmha bikin.
Komên sabotajê yên dijmin ketine Kîevê.
Ji ber vê yekê ez ji gelê Kîevê daxwaz dikim ku baldar bin, rêgezên qedexeya derketina derve bişopînin.”
Volodymyr Zelensky anîziman ku ew natirsin bi Rûsyayê re behsa statuya bêalîbûnê bikin.
Zelensky: 27 welatên Ewropa ditirsin bi mere şerê dijmin bikin
Zelensky bi van gotinan sîtema xwe ya anî ziman:
“Em di parastina welatê xwe de bi tenê man.
Kî amade ye li gel me bi dijmin re şer bike?
Ez nabînim.
Kî amade ye garantiya tevlêbûna NATOyê ya Ûkraynayê bide?
Her kes ditirse.”
Serokomarê Ûkrayna bal kişand ser tirsa 27 lîderên li Ewropayê û axaftina xwe wiha bidawî kir:
“Ew hemû ditirsin û em natirsin.
Em natirsin ku bi Rûsyayê re behsa statuya bêalîbûnê bikin.
Lê garantiyên ewlehiyê yên me dê çi bin? Dê kîjan welat bidin?”
https://youtu.be/ctdyO3V4SyE
