Şerê navbera Ûkrayna û Rûsya bandora xwe li aliyê din yê parzemîna Asya kiriye. Taywan jî mîna welatên din yên cîhanê rewşa li Ûkrayna ji nêz ve dişopîne.
Lê şopandina Taywanê ji tirsa ku wê Çîn jî heman senaryoyê bi serê wan bêne ye.
Taywanê ragihand ku şerê li Ûkrayna bo wan dersek bû û ew li gorî wê xwe amade dikin.
Dengê şerê li Ûkrayna, Taywan xistiye nava metirsiyê.
Taywan ji senaryoya Rûsya li dijî Ûkrayna dide meşandin bifikare.
Ji ber ku ew difikirin ku Çîn jî li dijî wan heman rêbazê bikar bêne.
Wezîrê Parastinê yê Taywanê Chiu Kuo-cheng îşaret bi gotina rêveberiya Pekîn a “ger pêwist bike emê bi zorê vegerînin” kir û wiha got:
Ger şerek di navbera Taywan û Çînê de derkeve, her du alî wê berdêlek giran bidin.
Chiu destnîşan kir ku krîza Ûkraynayê “gelek ders” daye Taywanê û li gorî vê yekê xwe amade dikin.
Chiu beriya civîna parlementoyê ya li ser encamên ewlehiyê yên êrişa Rûsya ser Ûkrayna ji rojnamevanan re axivî û diyar kir ku ji bo herkesî ya herî baş ew e ku ji şer dûr bikevin.
Tevî ku Taywan piştî şerê li Ûkrayna asta parastina li welat zêde kiriye jî lê derbarê xebatên Çînê yên leşkerî de agahî neda.
Chiu destnîşan kir ku wan “guhertinên Çînê bi aramî şopandin” û li gorî vê yekê amadekariyên xwe kirine.
CHIU: Dibe ku aloziya navbera Çîn û Taywanê ji nişka ve mezin bibe
Di rapora ku ji aliyê Meclîsa Karûbarên Despêkê ya Taywanê ve pêşkêşî parlementoyê hat kirin de, hat gotin,
“Dibe ku Çîn di dawiya salê de di kongreya girîng a Partiya Komunîst de ji nişka ve bi Taywanê re aloziyê zêde bike.”
Di vê navberê de, stratejîstên leşkerî yên Taywanê êrîşa Rûsyayê ya li ser Ûkrayna û berxwedana welêt ji bo stratejiya şer a giravê di bûyera şer a li dijî Çînê de lêkolîn dikin.
Wezareta Parastinê di raporeke cuda de got: “Ûkrayna ji ber mezinbûna dijmin di bin şert û mercên nebaş de ye. Lê bi şerê dike heta niha kariye pêşdeçûna Rûsya ya li nava welat heta astekê lewaz bike.”
Pekînê ticarî Çîniyên ku 1949’an ji welat reviyan û li gravê bi navê “Taywanê” rêveberiya avakirîn nas nekir.
