Di nava 2-3 rojan de, leşkerên Rûsya wê li nava Kîevê ban. Lê 16 roj derbas bûn. Hîna jî leşkerên Rûsya ne gihiştine, dergehên Kîevê. Ya tê xuyakirin Rûsya ji şerê nava bajar bifikare. Ji ber vê yekê li rêbazek din digere. Wezîrê Parastinê yê Rûsya Şoygo got, 16 hezar dilxwazên ku dixwazin li kêleka wan di şerê Ûkrayna de şer bikin serlêdan kirine. Hema Serokê Rûsya Putin jî yekser biryara wê derxist ku ev kes bila biçin eniyên şer yên li Ûkrayna. Balkêşe ku ev kesên ku qala wan têne kirin, piraniya wan ji Rojhilata Navînin. Belê ya diyar ewe ku li pêşiya Ûkrayna, senaryoya wêraniyek mîna ya Sûriye heye.
Çarenûsa Ûkrayna ji her demê zêdetir ber bi tarîbûnê ve diçe.
Şerê ku ev 16 rojin li welat dewam dike, êdî derbasî qonaxeke nû dibe.
Çekdar û hêzên biyanî yên dilxwazê şerin li Ûkrayna kom dibin û têne komkirin.
Rûsya ku di pêşketina xwe ya li nava Ûkrayna de zehmetiyan dibîne, dixwaze vê yekê bi rêya çekdarên ji welatên cîhanê berê xwe didin Moskow derbas bike.
Şoygo: 16,000 kes dixwazin bi wan re li Ûkrayna şer bikin!
Ev yek ji aliyê berpirsên Rûsî ve jî hate piştrastkirin.
Wezîrê Parastinê yê Rûsya Sergey Şoygo ragihand ku 16,000 hezar çekdarên xwebexş yên alîgirê Rûsya ji bo beşdarî şerê li Ûkrayna bibin serî li wan dane.
Şoygo anî ziman ku piraniya van kesan ji Rojhilata Navînin.
Putin ferman da “dilxwazên şer” bişînin qadên şer
Wisan diyare ku Moskow ev demek dirêje ji bo vê amadekarî kiriye.
Hîna ev gotinên Şoygo di nava çapemeniyê de deng ve dida, ji koşka serokatiya Rûsya agahiyek din ya balkêş hat.
Ew jî Serokê Rûsya Vladimir Putin rê da ku “dilxwazên şer” bibin herêmên şer yên li Ûkrayna.
Putin di fermanê de got; Kesên dilxwaz ên ji Rojhilata Navîn ên tên û wê li kêleka Rûsya bin, wê ji bo herêmên şer yên li Ûkraynayê werin veguhestin.
Li aliyê Ûkrayna jî hêzeke zêde ya dilxwazên şer kom bûne.
Li gorî rayedarên Ûkrayna jimara van kesan 20 hezar derbas kiriye.
Ev kes jî piraniya wan ji welatên Rojava ne.
Herî dawî taburek leşkerên Belarûsî yên berê xwe dan Ûkranyan jî gotin,
Ew ê li dijî Moskow xaka Ûkrayan biparêzin.
Li vir ya diyar ewe ku wêraniyek zêde li pêşiya Ûkrayna yê ye.
Moskow ya ji şerê li nava bajaran bitirse dixwaze bi kesên dilxwazên xwe vê yekê derbas bike.
