Lîderên 27 welatên YE ev 2 rojin li Fransa ne. Mijara sereke ya lîdran krîza li Ûkrayna û girtina beşek tevdîr ya li dijî Rûsya ye. Lîderan di roja yekem de careke din piştevaniya bo Kîevê anîn ziman û ji Rûsya daxwaza rawestandin êrişan kir. Her wiha lîderan ji Konseya Ewropayê jî xwest ku derbarê endamtiya Ûkrayna ya ji bo yekîtiyê jî xebatên xwe lez bike.
Lîderên Yekîtiya Ewropayê li Qesra Versailles ya nêzî paytexta Fransa Parîsê civiyan.
Civîna ku doh despêkirî îro di roja xwe ya duyem de ye.
Civîna lîderan a ku bi nameya vexwendinê ya Serokê Konseya Ewropayê Charles Michel ji endamên Konseya Ewropayê re şandibû, bi mazûvaniya Serokomarê Fransayê Emmanuel Macron pêk tê.
Piştî civînê wê daxuyaniyeke çapemeniyê were dayîn.
Michel diyar kir ku di civîna de, wê 3 mijarên sereke bên gotûbêjkirin û got,
Mijarên xurtkirina hêza parastina Ewropayê, kêmkirina girêdayîbûna bi enerjiya Rûsyayê bi taybetî gaz, neft û komirê ya û avakirina bingeheke aborî ya bihêztir wê bê nîqaşkirin.
Lîderan di xwarina ku piştî danişînên roja a civînê de şerê Rûsya û Ûkraynayê nîqaş kirin.
Di daxuyaniya ku di saetên dereng de ji çapemeniyê re hat parvekirin de, hat diyarkirin ku Rûsya û Belarûs bi tevahî berpirsyariya şer in û wê ji hemû sûcan berpirsyar bin.
Lîderan biryara dozgerê Dadgeha Cezayê ya Navneteweyî ya vekirina lêpirsînê silavkirin û wiha gotin:
“Em bang dikin ku demildest ewlekarî û ewlekariya tesîsên nukleerî yên Ûkraynayê bi alîkariya Ajansa Enerjiya Atomê ya Navneteweyî were vegerandin.”
Lîderan ji Rûsya xwestin ku tavilê êrişa li ser Ûkrayna bide rawestandin û rêzê li yekparçeyiyay axa welat re bigre.
Lîderan ji konseyê xwest ku ji bo endamtiya Ûkrayna lez bike
Di daxuyaniyê de hat bibîrxistin ku Konseya Ewropayê bi lez û bez tevgeriya û ji Komîsyonê xwest ku derbarê serlêdana endamtiya Ûkraynayê ya di 28ê Sibatê de hat kirin de nêrîna xwe pêşkêş bike û wiha hat gotin,
“Her dema ku em li benda vê yekê ne, em ê bêyî ku dereng bixin, têkiliyên xwe hîn xurtir bikin û hevkariya xwe bi Ûkrayna re bidomînin.
Ûkrayna ji malbata me ya Ewropî ye.”
Her wiha Konseyê ji komiyonê xwestiye ku derbarê serlêdanên endamtiya Moldova û Gurcistanê jî nêrîna xwe bide.
