Ûkrayna..Jina ducanî û zaroka wê ya di êrişa Mariupolê de xelas bûyîn mirin

Rûyê rastî yê şer, di çavê yek ji welatiyên li herêmê de dikare were dîtin. Mîna ku wêne û dîmenên 9’ê Adarê li bajarê Maripolê hatibûn kuşandin. Di êrişa artêşa Rûsya ya li dijî nexweşxaneyê de, jina ducanî xelas bûbûn û ji bo nexweşxaneyek din hatibû veguhestin. Dimenên wan kêliyan jî di çapemeniya cîhanê de balv bûbû. Hate ragiahndin ku ev jin û pitika wê tevî hemû hewildanan jiyana xwe ji dest dane.

Wêneyê ku dema jina ducanî li ser darbestan nexweşxaneyeke din hat veguhestin di rojeva medyaya cîhanê de dengek zêde vedabû.

Ev yek di qada cîhanê de li dijî Rûsya bi xwere bertekên tund anîbû.

Û di civînên piştî bûyerê pêk hatin de hertim rojnamevanan ev pirs ji rêveberên Rûsya kirin.

Di wêneyê piştî êrişê de tê xuyakirin ku jina ducanî li ser darbestekê bû û bi destê xwe jî hîna pitika xwe ya di zigê xwe de diparast.

Her wiha dimen û wêneyên ji aliyê xebatkarên beşa lezgîn û dilxwazan ve hatine kişandin jî nîşan dide ku rûyê jina ducanî ji tirsa spî bûye.

Li gorî ajansa AP, ev wêne “yek ji demên herî hovane” yê êrişa Moskow ya ev 19 rojin li dijî Ûkrayna dayî despêkirine.

Piştî êrîşa hewayî, jin ji bo nexweşxaneyeke din a li derdorê hat veguhestin.

Dema dayîk pêdihese ku pitika wê miriye, ew ji qîr dike û ji bizîşka dixwaze ku wê jî bikujin.

Bizîşk Timur Marin, anî ziman ku dema jin anîne gel wan, hestiyê lingê wê ji cih derketibû û beşek wê jî perçiqiyabû.

Marin, diyar kir ku bijîşkan pitik bi sezariyê derxistine û got,

“Lê ti nîşaneyên ku jiyan dikir, nebû.

Piştî vê, hemû hewildan ji bo xelaskirina dayîkê pêk hatin.

Tevî destwerdaneke bêtirî 30 deqeyan jî ti encam nehatin bidestxistin.”

Bizîşk Timur Marin diyar kir ku hem jin hem jî pitik tevî hemû destwerdanan jiyana xwe ji dest dane.

Ji ber êrişa li ser nexweşxaneyê despêkê navê wê nehate zanîn.

Lê piştre hevjîn û bavê wê ji bo wergirtina cenaze serlêdan kirine.

Rêveberên Moskow, êrişa li ser nexweşxanê hewildabûn rawa nîşan bidin.

Moskow îdia kiribû ku hêzên leşkerî nexweşxane bikar di anîn.

Heta beşek ji rêveberên Rûsya, dimenên bûyerê weke senaryoyek hatî çêkirin jî pênase kiribûn.

Bajarê Mariupolê ku di bin dorpêça leşkerên Rûsyayê de ye, bêtirî hefteyekê ye bê nan, av û elektirîke.

Motorên elektirêkê jî ji bo cihên nîştergeriyê têne bikaranîn.

Blogger Mariana Vishegirskaya ku ew ji diheman bûyerê de bû, piştî êrişa hewayî keçek xwe çêbû û navê Veronika lê hate kirin.

Back to top button