Ji bo Ûkrayna trafîkek zêde ya dîplomasiyê heye. Serokomarê Ûkrayna Zelensky di axaftina xwe ya ji bo çapemeniya Rûsya de, Moskow ji rewşa heyî tewambar kir. Wezîrê Karên Derve yê Fransa Le Drian jî got: Mariupol êdî Heleba nû ye. Di nava van aloziyan de, îro carke din di navbera Ûkrayna û Rûsya de, wê hevdîtinên rûbirû pêk werin.
Şerê li Ûkrayna her çiqasî dijwar dibe, trafîka dîplomasî ji ewqasî zêde dibe.
Serokê Ukraynayê Volodymyr Zelensky li ser înternetê bi rojnamevanên opozisyona Rûsî re hevpeyvînek kir.
Piştî hevpeyvînê, ji aliyê Saziya Çavdêriya Teknolojiyên Agahiyê û Çavdêriya Mass Medyaya Federal a Rûsyayê (Roskomnadzor) hişyarî hat dayîn ku hevpeyvîn neyê weşandin.
Zelensky di hevpeyvînê de, bersiv da pirsên rêvberiya Weşanê yê Meduza Îvan Kolpakov, Edîtorê Giştî yê Dozhd TV Tikhon Dzyadko, nivîskarê Rojnameya Novaya Mikhail Zygar, rojnameya Xelata Nobelê ya rojnamevanê rûs Dmitriy Muratov û rojnamevanê muxalîf yê rûs Vladimir Slovyov. .
Naveroka sereke ya hevpeyvînê êrişa Rûsya ya li ser Ûkrayna bû.
Zelensky careke din ji ber wêraniya li welat Rûsya tewambar kir û got:
Bajarê Mariupol wêran bûye. Ketin û derketina ji bajar nepêkane.
Rê nayê dayîn ku derman û pêwistiyên jiyanî jî werin şandin.
Ger Rûsya qala referandûma li herêmê bike jî ev yek dikare piştî derketina hêzên wan pêk were.
Le Drian: Mariupol Heleba nû ye
Wezîrê Karên Derve yê Fransayê Jean-Yves Le Drian jî bal kişand ser dorpêça artêşa Rûsyayê ya li ser bajarê Mariupol û got: “Mariupol Heleba nû ye.”
Jean-Yves Le Drian di Foruma Dohayê ya ku li paytexta Qeterê hat lidarxistin de ji çapemeniya Amerîka re axivî.
Le Drian îşaret bi dorpêçkirina bajarê Mariupol ê Ûkraynayê kir û diyar kir ku eger ji bo alîkariyê tiştek neyê kirin wê “sûcdariya kolektîf” li ser wê hebe.
Wezîrê Karên Derve yê Fransa daxuyakirin ku “Mariupol Heleba nû ye” û wiha got:
“Hêzeke dagirker heye û ji bo ku bigihêje armancên xwe, gel li Mariupolê dîl digire.
Bi rastî ev yek nayê qebûlkirin.”
Kremlîn: Girînge hevdîtina rûbirû pêk werin
Di demekê ku tê payîn li Tirkiye danûstandinên navbera Rûsya û Ûkrayna de bi awayekî rûbirû pêk werin de ji Koşka Kremlînê daxuyaniyek nû derket.
Berdevkê Kremlînê Dmitriy Peskov diyar kir ku di danûstandinê de heta niha tu pêşketineke serketî pêk nehatiye û got, “Tevî ku di danûstandinan de pêşketineke têr nake jî, girîng e danstandin rû bi rû bên kirin.
Ji ber hevdîtinên rûbirû, baştirin.
Peskov anî ziman ku ji ber şande wê direng li Tirkiyê bin, dibe ku ev hevdîtin ji bo sibe pêk were.
Kremlînê têkildarî gotinên Serokê DYA Joe Biden ya “Serokê Rûsyayê Vladimir Putin wê nikaribe li ser desthilatdariyê bimîne” nirxand û got: Ev yek bûye sedema fikaran.
