Serokomarê Ûkrayna Zelensky di her fersendê de banga zêdekirina zextên li ser Moskow dike.
Zelensky diyar kir ku sûcdarê rewşa heyî Rûsya ye û got:
Tenê li Mariupolê egeriya mirina bi hezaran kesî heye.
Wezîrên Karên Derve yên YE jî ji bo nîqaşirina paketa 6. a cezayên li ser Rûsya civiyan.
Ûkrayna ji bo Rûsya êrişên xwe bide rawestandin û dixwaze zexta li ser Moskow were zêdekirin.
Serokomarê Ukraynayê Volodymyr Zelensky li ser hesabên xwe yên medyaya civakî daxuyanî da raya giştî.
Zelensky ragihand ku Rûsya ji tiştên li Ûkraynayê qewimîn berpirsyare û wiha got:
Em xwe diparêzin.
Têkiliya Rûsan bi cîhanê re qut bûye û dibêjin hûn sûcdar in.
Hemû cîhan sûcdar nasdike.
Mîna ku em ji bûyerên li Buça qewimîn berpirsyar in, dibêjin me êrîşa Kramatorskê pêk aniye.
Lê wesayîtên wan ên propagandayê nûçeyên xwe belav kirin û rokêt ji bejahiyê ya di bin dagirkeriya wan de hat avêtin.
Dibêjin di 6 hefteyên şer de wan êrîşî cihên sivîlan nekiriye.”
Zelensky: Egeriya wê yekê heye li Mariupol bi hezaran kes mirine
Zelensky îro ji parlamentoya Koreya Başûr re axivî.
Zelensky îşaret bi bajarê Mariupol yê dikeve başûr-rojhilatê welat kir û wiha got:
Di êrişên Rûsya yên li ser bajarê Mariupolê de egereiya wê yekê heye ku bi hezaran kes mirine.
Zelensky daxwaz kir ku cezayên li dijî Rûsya bêne zêdekirin.
Wezîrên Karên derve yên ye ji bo paketa 6. a cezayên ser Rûsya civiyan
Hemwextî vê yekê Wezîrên Karên derve yên YE li ser mijara paketa 6. a cezayên li dijî Rûsya civiyan.
Beriya civînê Nûnerê Bilind ê Têkiliyên Derve û Ewlekariya Yekîtiya Ewropayê (YE) Josep Borrell diyar kir ku li dijî Rûsyayê cezayên nû li ser maseyê ne.
Borrell li ser pirsa gelo bijardeya ambargoya petrolê ya Rûsyayê di meriyetê de ye an na ev tişt anî ziman:
Cezayên hertim li ser maseyê ne û wezîr wê gavên nû gotûbêj bikin.
Borrell diyar kir ku di encama serdana xwe ya Ûkraynayê de dîtiye ku hêzên Rûsyayê ber bi Donbasê ve diçin.
The Times: Fînlanda û Swêd dixwazin bibin endamên NATO
Di vê navberê de welatên Ewropa yên ne endamî NATO ji êrişeke Rûsya bitirsin.
Rayedarên amerîkî ji rojnameya The Times a Brîtanyayê re got:
“Rûsyayê şaşiyeke stratejîk kir, ku Fînlanda û Swêd amade ne ku vê havînê bibin endamên NATO’yê.”
Rojnameyê destnîşan kir ku tê payîn ku Fînlanda di meha Hezîranê de daxwaza endamtiya wê ji bo NATO’yê bike, piştî wê jî Swêd dê heman daxwazê bike.
