Li New Yorkê şji ber êrişa çekdarî metirsî serwere.
Di êrişa li herêma Brooklyn de 23 kes birîndar bûn.
Polîs piştî êrişê, ji bo girtina êrişakar dest bi lêgerînê kirin.
Doh di saetên sibê yên de, li rawestgeha metroyê ya Brooklyna bajarê New Yorkê yê DYA yê êrişek bçek pêk hat.
Polîsan li ser bûyerê daxuyaniyek dan û diyar kirin ku 16 kes birîndar bûne.
Piştî vê yekê daxuyanî hate nûkirin û hate ragiahndin ku 10 kes bi fîşekê birîndar bûne û 13 kesên din din jî dema duman bilind bûye birîndar bûne.
Kiryarê ku piştî êrîşê şopa xwe winda kir hêj nehatiye girtin.
Li gorî New York Times, lêgerîna polîs ji bo gumanbarê bi maskeya gazê û çaketekî porteqalî ku di metroyê de gulebaran kir, dewam dike.
Waliyê New Yorkê Kathy Hochul got, êrîşkar “xetere” bû.
Hochul bang li hemû welatiyan kir ku “hişyar û baldar bin” û ji kesên ku der barê êrîşkar de agahiya wan heye xwest ku bi rayedaran re têkiliyê deynin.
Polîs ragihand ku li cihê bûyerê fîşekek nîvotomatîk û hejmareke zêde ya guleyan hatiye desteserkirin.
Her li cihê bûyerê bivrek biçûk jî hatiye dîtin.
Di civîneke çapemeniya ku doh êvarî li New Yorkê hat lidarxistin de, rayedarên polîs da zanîn ku ew li zilamekî 62 salî digerin.
Li gorî polîsan guman heye ku têkliya vî kesî bi bûyerê re heye.
Hat destnîşankirin ku li cihê bûyerê çente hatiye desteserkirin.
Hat îfadekirin ku qamyon li qadeke nêzî cihê bûyerê terikandibû hat dîtin.
Ne diyar e ku kesê ku wesayit kirê kiriye êrîş pêk aniye yan na.
Di daxuyaniyê de hat destnîşankirin ku kesê lêgerîn li ser medyaya civakî bi taybetî li ser Şaredarê New Yorkê Eric Adams gelek gilî parve kiriye.
Di nivîsên xwe de bal kişandiye ser pirsgirêkên kesên li kolanan dijîn.
Li New Yorkê xebatên ewlekariyê hatin xurtkirin
Hat ragihandin ku piştî bûyerê parêzvanên Şaredarê New Yorkê Adams zêde bûne.
Hêzên ewlehiyê yên Amerîkayê di wê baweriyê de ne ku bûyera duh ne êrişeke terorî ye.
