Rûsya ji rewşa li Ûkrayan bihêrse.
Rûsya ji dor ve li planên xwe yên têkçûyî yên li Ûkrayna temaşe dike.
Lê vê carê Moskow hêrsa xwe veneşart û gefa “em ê êrişî Kîevên bikin” xwar.
Ûkrayna jî dibêje ew ji her tiştî re amade ne.
NY jî ragihand ku nêzî 2 hezar sivîl hatine kuştin.
Li Ûkrayna duman bilind dibe, Moskow ji dur ve berdêla hesabên xwe yên şaş dide.
Ev hêrsa wê bi dimenê bombebarana bi awayekî ketober li ser bajarên Ûkrayna pêk tîne dide xuyakirin.
Ev der bajarê Xarkov e.
Li bajarê Sûmî yê dikeve bakur rojhilatê welat, piştî vekişîna hêzên Rûsya cenazeyê bêtirî 100 kesan hate dîtin.
Waliyê bajar diyar kir ku niha ji bo pêkanîna pêwistiyên jiyan dixebitin û got:
Li gorî texmînan li herêmê ziyaneke bi qasî 327 milyon dolar çêbûye.
NY: Li Ûkrayna herî kêm 1,923 sivîl hatine kuştin
Neteweyên Yekbûyî (NY) ragihand ku li Ûkraynayê di şerê Rûsya û Ûkraynayê de herî kêm 1932 sivîl mirin, 2 hezar û 589 sivîl birîndar bûn, piştî êrîşan 4 milyon û 656 hezar û 509 kes derbasî welatên cîran bûn.
Komîseriya Bilind a Penaberan a NY (UNHCR) daneyên li ser krîza penaberan a li Ûkraynayê parvekir.
Komisyonê ragihand ku heta niha 1,932 sivîl hatine kuştin û 2 hezar 589 jî birîndar bûne.
Her wiha, piştî êrîşan 4 milyon û 656 hezar û 509 kes derbasî welatên cîran bûn.
Ev bîlanço li gorî daneyên navbera 24’ê Sibatê û 12’ê Nîsanê de ye.
Li gorî rayedarên Ûkraynayê hejmara sivîlên hatine kuştin gelek zêdetire.
Rûsya “Em ê li Keîvê bixin” Ûkrayna “em amade ne”
Bi dirêjbûna dema êrişa Rûsya ya li ser Ûkrayna re, Moskow bihêrs bûye.
Ji ber vê yekê êdî bi awayekî eşkere gefa pêkanîna êrişeke li dijî paytext Kîevê dixwin.
Berdevkê Wezareta Parastinê ya Rûysa Îgor Konaşenkov bi daxuyaniyekê li ser bîlançoya şer agahî parve kir û got:
130 balafir, 103 helîkopter û 2,173 tank û wesayîtên zirxî yên artêşa Ûkrayna hatine têkbirin.
Konaşenkov, anî ziman ku yekîneyên leşkerî yên Ûkraynayê li ser xaka Federasyona Rûsyayê êrîş û hewldana sabotajê dikin û got,
“Eger bûyerên bi vî rengî dewam bikin, em ê li Kîeva ku heta niha me ew nekiriye armanc jî bixin.
Serokê Ofîsa Serokomariya Ûkraynayê Andriy Yermak li dijî gefxwarina Rûsya bersiv da û got:
“Em ji her senaryoyekê re amade ne û wê senaryoyek Rûsî jî bi ser nekeve.”
Rûsya îdia kir ku di nava 24 saetên derbasbûyî de li bajarê Mariupol 1,129 leşkerên Ûkrayna xwe radestî wan kirine.
Di vê navberê de, Wezareta Parastinê ya Rûsya dimenê Mariupol ku bi dronan hatî kişandin weşand.
Ûkrayna: 19,900 leşkerên Rûsya hatine kuştin
Sererkaniya Ûkrayna jî bîlançoya şerê 49 rojan eşkere kir.
Li gorî vê,
19,900 leşkerên Rûsya hatine kuştin.
Her wiha 160 balafir, 144 helîkopter û 773 tankên Rûsya hatine bêkêrkirin.
