Li nava Ûkrayna êrişên Rûsya dijwar dibe.
Keştiya Rûsya li nava Derya Reş binav bû, teqîneke bihêz li nava Ûkrayna pêk hat.
Pentagon jî ragihand ku ew heta niha sedemê binavbûna keştiya Rûsya nizanin.
Serokomarê Ûkrayna Zelensky got:
Ji ber êrişên Rûsya yên di nava 8 salên dawiyê de, 14 hezar Ûkraynî hatine kuştin.
Rûsya li nava Ûkrayna êrişên xwe yên bi çekên giran zêdetir kiriye.
Piştî gefxwarinên navbera Ûkrayna û Rûsya, îro dengê teqînek mezin ji nava patext Kîevê hat.
Ev teqîn piştî piştî keştiyeke şer a Rûsyayê li Deryaya Reş noqî avê bû pêk hat.
Rûsya piştrast kir: Keştiya me li Derya Reş binav bû
Berdevkê Pentagonê John Kirby ji çapemeniya Amerîkayê re axivî û got,
“Ev derbeyek mezin e li fîloya Derya Reş hatî xistin.
Vê keştiyê di avakirina serweriya li Derya Reş de rolek girîng dileyîst.”
Kirby diyar kir ku agahiya wî tune ye ku piştrast bike ka keştî ji ber çi binav bûye.
Welatiyên Ûkrayna xwe ji êrişên dijwar yên Rûsya re amade dike
Gelê Ûkraynayê xwe li hember tevgerên leşkerî yên nû yên Rûsyayê amade dike.
Doh saetên şevê careke din Rûsya bi moşekan êrişî Kîevê kirbû.
Ji destpêka vekişandina hêzên Rûsyayê ji bakurê Kîevê, ev cara ewil e ku dengê teqîneke dijwar tê bihîstin.
Berdevkê Wezareta Parastinê ya Rûsya Îgor Konaşenkov ragihand ku wan bi moşekên S-400 êrişî herêmên Çernihivê kirine.
NY: Tiştên li buça pêkhatî binpêkirina hiqûqa navnetewî ye
Komîseriya Bilind a Mafên Mirovan a Neteweyên Yekbûyî (NY) Mîchelle Bachelet, di daxuyaniya xwe ya nivîskî de dîmenên satelaytê yên cenazeyên li kolanên Buçayê û gorên komî nirxand.
Bachelet anî ziman ku nûçeyên li ser qetlîamên sivîlan û veşartina wan di gorên komî yên li Buça û hin bajarên din de xemgîn e û got:
Ev pêkanîn binpêkirina hiqûqa navneteweyî ya mafên mirovan e.
Michelle Bachelet destnîşan kir ku ji bo eşkerekirina tiştên ku li Buça qewimîn lêkolînek serbixwe û bi bandor pêwist dike.
Zelensky: Di nava 8 salên êrişa Rûsyayê de 14,000 hezar Ûkraynî hatine kuştin
Serokomarê Ûkraynayê Volodymyr Zelensky di peyama xwe ya vîdyoyî de diyar kir ku şerê Rûsyayê li dijî Ûkraynayê ne di 24’ê Sibatê de dest pê kiriye.
Artêşa Rûsyayê ji sala 2014’an ve êrişî Ûkraynayê dike.
Zelensky got:
Di nava 8 salan de, 14 hezar Ûkraynî ji aliyê Rûsya ve hatine kuştin.
Tankek Ûkraynî li pêşberî komek artêşa Rûsya şer dike
Di vê naberê de, li ser erdê jî şerekî dijwar navbera aliyan de pêk tê.
Ev yek ji dîmenên herî dawî yên derbarê şerê li Ûkrayna de ye.
Di dimen te tê xuyakirin ku tankek Ûkrayna li dijî artêşa Rûsya bi wêrekî şer dike.
Di dîmenekî din yê ku çawa artêşa Rûsya dibe armanca Ûkrayniyan xuya dike.
Ûkrayna: Nêzî 20,000 hezar leşkerên Rûsya hatine kuştin
Her wiha Sererkaniya Giştî ya Ûkrayna jî bîlançoya şerê 50 rojan a li dijî artêşa Rûsya eşkere kir.
Li gorî vê;
Nêzî 20 hezar leşkerên Rûsya hatine kuştin.
163 balafir, 144 helîkopter û 756 tankên artêşa Rûsya hatine bêkêrkirin.
