Dewleta Tirk a dagirker hemwextî êrişên qirkirinê li dijî Herêmên Parastinê yên Medyayê, êrişên xwe li dijî herêmên Bakur û Rojhilatê Sûriyê jî zêde kirine.
Li gorî agahiyên ku nûçegihanê me ji herêmê dane, dewleta Tirk a dagirker û çeteyên wê gundên navçeya Til Temirê topbaran dike.
Taybet Gundê Til Şinan ê Asûran, gundê Dirdara û Um El-Kêf , rastî êrişên dagirkeran hatin.
Berî êrişên li ser deverên navborî, dagirkeran navenda navçeya Zirganê jî bû armanca êrişan.
Gundên Esediyê, Xidrawî, Dada Ebdal, Ribêat û Xirbêt Şiît hatin topbarankirin.
Di vê êrişê de ziyanên mezin gihiştin mal û milkên şêniyan.
Duh derengiya şevê jî gundên Qibor El-Qercine û Derdara, gundê Til Şenan yên Til Temirê bûn hedefa êrişan .
