29 akademisyen, rewşenbîr û siyasetmedarên Ereb û 34 kesayetên Başûrê Kurdistanê êrişên artêşa Tirk a dagirker ên li ser Başûrê Kurdistanê şermezar kirin.
29 akademisyen, rewşenbîr û siyasetmedarên Ereb derbarê êrişên dewleta Tirk de daxuyaniyeke hevbeş da.
Daxuyanî bi sernavê “Berxwedana gelê Kurd û gerîla dê hişmendiya turan a Erdogan têk bibe” hate dayîn.
Di daxuyaniyê de hate gotin:
“Dewleta Tirk a dagiker di çend rojên derbasbûyî de êrişên xwe li ser herêmên Avaşîn, Zap û Metînan zêde kiriye.
Ev yek tê wateya ku PDK’ê rê dide êrişan û piştgirî dide.
Eger PDK’ê vê qebûl neke, Tirkiyê nikare êrişî gerîla bike.
Di dawiyê de bang li gelên herêmê, rewşenbîr û siyasetmedaran hat kirin ku dengê xwe li dijî dagirkeriya Tirk bilind bikin.
34 kesayetên Başûrê Kurdistanê: Divê gelê Kurd û aliyên siyasî helwestê nîşan bidin
Bi heman armancê 34 kesayat, nivîskar, rojnameger û akademîsyenên Başûrê Kurdistanê jî daxuyaniyek hevpar dan û êriş şermezar kirin.
Di daxuyaniyê de hate gotin:
“Ev operasyona Tirkiyê binpêkirina serweriya xaka Kurdistan û Iraqê û binpêkirina qanûnên navneteweyî ye.
Divê gelê Kurdistanê û aliyên siyasî helwestê nîşan bidin.”