Gef û peyamên tund yên ji welatên mezin yên cîhanê derdikevin, metirsiya şerê cîhanê yê 3. derxistine pêş.
Brîtayna dibêje, ji bo parastina xwe û hevalbendên xwe ew amadene çekên nukleerî bikar bînin.
Kes naxwaze şerê cîhanê yê 3. pêk were.ç
Çîn jî bi vê gotinê xwest atmosfera şerê heyî kêmekî daxe.
Bi êrişa Rûsya ya li Ûkrayna re, gotinên şerê cîhanê yê 3. ji her demê zêdetir derdikevin.
Herî dawî Wezîrê Karên Derve yê Rûsya Sergey Lavrov ev yek bi awayekî eşkere anî ziman.
Lavrov got,
metirsiya şerê cîhanê yê 3. cidî û raste.
Piştî van gotinan, ji qada navnetewî ya cîhanê gotinên cuda derketin.
Brîtanya ya ji roja despêkê ve piştevaniya Ûkrayna dike, li dijî van gotinan helwesta xwe diyar kir.
Wezîrê Parastinê yê Brîtanya Ben Wallace got,
Ji bo parastina xwe û NATO em amadene çekên nukleerî bikar bînin.
Li gorî nûçeya Sputnik ê Wallace di axaftina xwe ya parlamentoyê ku têkildarî şerê Rûsya-Ûkrayna wiha got:
“Hin mûşekên me niha di bin avê de ne û personelên me yên wêrek ên Hêza Deryayî ya Qraliyetê ji bo parastina Qiralyet û NATO ger neçar bimînin amade ne ku çekên nukleerî bikar bînin. Pir girîng e ku ew (Serokê Rûsyayê Vladimir Putin) vê yekê jibir neke.”
Çîn: Kes naxwaze şerê Cîhanê yê 3’emîn pêk were
Li aliyekî din, Çîn jî li ser atmosfera şer a heyî bi fikare.
Ji ber wê yekê ev yek di rojeva Wezareta Karên Derve ya Çînê de bû.
Berdevkê wezaretê Vang Vinbîn di daxuyaniya çapemeniya rojane de, gotinên Lavrov nirxand.
Vang Vinbîn got,
“Tu kes naxwaze Şerê Cîhanê yê Sêyemîn rû bide. Em hêvî dikin ku aliyên têkildar bi aramî bifikirin û bi hûrgilî tevbigerin. Bi vê yekê re, pêşî li zêdebûna aloziya bigirin û bi avakirina aştiyê wekî Ewropa û cîhanê berdêlên giran nedin.”
Vang bal kişand ser wê yekê ku di şert û mercên heyî de divê pêşîya hemû alîyan teşwîqkirinên ji bo şer û pevçûnan bê girtin.
Di vê navberê de, Vang bertek nîşanî gotinên Wezîrê Parastinê yê Awistralyayê Peter Dutton a gotibû;
Armancên Çînê zêde bûne.
Di demeke nêz de wê pevçûneke herêmî derkeve û Awistralya divê ji şer re amade be.”
Rêvebiriya Pekînê ji ber êrişa Rûsya ya li ser Ûkrayna bê helwest dimêne û li pişt perdê fikarên Moskow yên li ser herêmê mafdar dibîne.
