Sibe Cejna remezanê, ya cîhana îslamî ye. Bi vê boneyê Rêveberiya Xweser, TEV-DEM, Kongra Star, PYD, Meclisa Xweseriya Demokratîk a Şengalê û KNK’ê, peyamên pîrozbahiyê dan. Di peyaman de cejn li tevahî cîhana îslamî hat pîrozkirin û hêvî hat kirin ku ev cejin bibe wesîleya aştî, aramî û ewlehiyê.
Hevserokatiya Meclisa Rêveber a Rêveberiya Xweser a Bakur û Rojhilatê Sûriyê bi boneya hatina cejna Remezanê, peyamek da.
peyamekê cejna Remezanê li tevahiya gelan pîroz kir.
Di peyamê de cejin di serî de li malbatên şehîdan, li tevahî gel hat pîrozkirin û ev tişt hatin gotin:
Em Hêvî dikin ev cejn bibe wîseleya xêr û xweşiyê, ji bo tevahî gelê me yê Sûriyê.”
Rêveberiya xweser bi boneya Cejnê, li hemû saziyên xwe 3 roj betlane raghand.
PYD’ê cejna Remezanê pîroz kir û hêviya vegera koçberan li warên wan kir
Meclisa Giştî ya Partiya Yekitiya Demokratîk (PYD) jî bi peyamekê Cejna Remezanê li gelên Sûriyê û cîhana îslamî pîroz kir.
PYD’ê hêviya vegera koçberan li cih û warên wan kir.
TEV-DEM: Bi hêviya ku ev cejin bibe wesîleya aramî û ewlehiyê
Her wiha Tevger Civaka Demokratîk (TEV-DEM) jî bi heman boneyê peyamek nivîskî weşand.
TEV-DEM’ê Cejna Remezanê li tevahî gelên Bakur û Rojhilatê Sûriyê pîroz kir û hêvî kir ku ev cejn bibe wesîleya aramî û ewlehiyê ji tevahiya Sûriyê re.
Kongra Stara cejn li malbatên şehîdan pîroz kir
Bi boneya cejna Remezanê Kongra Star jî peyamek weşand û tê de cejna Remezanê li cîhana îslamî, gelên Bakur û Rojhilatê Sûriyê û tevahî Sûriyê, hêzên leşkerî, dayik û malbatên şehîdan, pîroz kir.
KNK: Bi hêviya ku cejna bê li ser axa azad were pîrozkirin
Konseya Rêveber a Kongreya Neteweyî ya Kurdistanê (KNK) jî peyama pîrozbahiyê da û got: ”Mixabin em îsal jî cejna Remezanê di bin êrişên Tirkiyê ên li dijî hemû nirxê şoreşê de pêşwazî dikin.”
KNK’ê bi vê boneyê bang li Kurdan kir ku li hember êrişan derkevin û hêvî kir ku sala bê li ser axa azad bê pîroz kirin.
MXDŞ’ê cejna Remezanê pîroz kir
Meclisa Xweseriya Demokratîk a Şengalê jî bi boneya Cejna Remezanê peyamek pîrozbahiyê weşand.
Meclisê di peyama xwe de diyar kir ku Şengal cihê jiyane hevbeş e, ji bo wê jî pêwîste pêkhateyên Şengalê, vê jiyana hevbeş biparêzin.
