Ji bo rawestandina êrişa Rûsya li ser Ukrayna, ji welatên G7 cezayên nû hat.
Welatên G7 ragihandin ku ew ê bi beşî hinartina petrola Rûsya bi dawî bikin.
DYA, cezayên li ser televsionên Rûsya anî, Erebîstana Siûdî jî nirxê petrolê daxist.
Welatên G7 yên ku aboriya wan herî başe, bi rêya telekonferansê civiyan.
Koşka Spî piştî ku serokên G7 doh bi beşdariya Serokê Ukraynayê Volodymyr Zelensky civiyan, bi daxuyaniyeke nivîskî cezayên nû yên ji ber êrişa Rûsya ya li ser Ukrayna bên sepandin, eşkere kir.
Hat diyarkirin ku lîder wê li ser maseya danûstandin û li qadan piştgiriya Ukraynayê bidomînin û hat gotin;
Cezayên ku heta niha li ser Rûsyayê hatine sepandin, destkeftiyên ku welêt di 15 salên dawî da bi dest xistine têk biriye.
DYA jî li ser kanalên televsionê yên, Channel One Russia, Russia-1 û Şirketa Weşanê ya NTV yên Rûsî ceza sepand.
Ji aliyê din ve di daxuyaniyê de hat bibîrxistin ku DYA beriya niha îthalata petrolê ya ji Rûsyayê qedexe kiribû û hat gotin;
Welatên G7 gav bi gav îthalata petrolê ya ji Rûsyayê biqede yan jî bi temamî qedexe bikin.
Riyad nirxê petrolê ji bo mişteriyên xwe yên Asya û Ewropa daxist
Erebistana Siûdî firotina neftê ji bo mişteriyên Asya û Ewropayê qut dike
Di vê navberê de hat ragihandin ku Erebîstana Siûdî dê firotina petrolê ji bo mişteriyên xwe yên li Asyayê qut bike.
Li gorî belgeya ku ji aliyê şîrketa petrolê ya Erebistana Siûdî Erebîstana Siûdî Aramco ve hatiye weşandin, firotina nefta xav a sivik a li Asya û Ewropayê wê di meha Hezîranê de her bermîlek 5 dolarî kêm bibe.
Scholz : Putin wê biser nekeve
Li aliyekî din Serokwezîrê Almanyayê Olaf Scholz ji bo 77. salvegera bidawîbûna Şerê Cîhanê yê Duyemîn li Ewropayê li ser televizyonê xîtabî gel kir û diyar kir ku ew nikarin bêjin şerê ji aliyê Rûsyayê ve hatiye destpêkirin dê kengê û çawa biqede.
Olaf Scholz got,
Putin dixwaze Ukrayna bindest bike.
Dixwaze “çand û nasnameya wan a Ukrayniyan tune bike.”
Trudeau serdana Kîevê kir
Serokwezîrê Kanadayê Justin Trudeau ji bo piştevaniya bi Ukrayna re serdana Kîevê kir.
Trudeau li gel Zelensky civiya û piştevaniya welatê xwe ya ji bo Ukrayna dubare kir.
Berpirsê Ewlekarî û Karên Derve yê Yekîtiya Ewropayê Josep Borrell daxwaz kir ku rezervên diravî yên Rrûsî ku ji aliyê YE ve hatine cemidandin, piştî şer ji bo herêmên Ukrayna yên wêran bûne bikar bînin.
