Pentagonê spasiya New York Times a kuştina sivîlan ji aliyê leşkerê wan ve belgekirî kir

Di 20 salên artêşa Amerîka û NATO, Efxanistna dagirkirin de bi hezaran sivîl hatin kuştin.
Rojnameya New York Times ê li ser kuştina sivîlan bi belge raporek berfireh amade kir.
Ev rapor jî hêjayî xelata Putitzer ê hate dîtin.
Wezareta Parastinê ya Amerîkayê Pentagonê diyar kir ku nûçeyên ku mirina sivîlan li Efxanistanê eşkere kirî ew neçar kirine ku çalakiyên xwe binirxînin.
Ji ber vê yekê Pentagonê spasiya rojnameya New York Times ê kir.

Di meha Kanûna borî de rojnameyê ragihandibû ku di şerê 20 salî yê Efxanistanê de, bi hezaran sivîl ji aliyê leşkerên Amerîkî ve hatine kuştin.

Vê yekê jî hikûmeta Amerîkî xiste nava rewşeke zehmet.

Di nûçeya ku nameyên navxweyî yên artêşa Amerîkayê cih digirin de, hate gotin ;

Pergalên teknolojîya bilind û balefirên bêmirov ên bi rêkûpêk hatine kontrolkirin û bi îmkanên wan ên girtina tam li hedefan ji mirina sivîlan hatine dûrxistin.

Lê di rastiyê de ji ber şaşkirina hinek armancan de, gelek gundiyên sivîl û zarok hatine kuştin.

Berdevkê Pentagonê John Kirby anî ziman ku “Ev nûçe dilgiran, têgihîştina wê zehmet bû û hîn jî wisa ye.”

John Kirby bal kişand ser wê yekê ku haya wan ji vê yekê heye ku ew bi qasî ku tê xwestin li ser şaştiyên hatine kirin nezelalin û diyar kir ku ev nûçe ew neçar kirine ku bersiva pirsên zehmet bidin.

Kirby got, “Tişta ku çapemeniya azad herî baş dike ev e.

Bi tiştên ku em dikin re rû bi rû dihêle.”

Komîteya Pulitzer 9’ê Gulanê ragihand ku raporta New York Times a “ragihandina nûçeyên wêrek û bêserûber ên qurbaniyên mezin ên sivîl ji ber êrîşên asmanî yên Amerîkî li Efxanistanê” xelat wergirtiye.

Back to top button