Zelensky: 4 herêm careke din hatin kontrolkirin

Rûsya di kontrolkirina Ukrayna de, berdêla hesabên xwe yên şaş dide.
Serokê Ukraynayê Zelenskiy got, wan 4 cihên niştecihbûnê yên li nêzî Xarkovê ji nû ve kontrol kirine.
Hat ragihandin ku êrîşên li ser leşkerên Ukraynayê yên li kargeha Azovstal a Marîûpolê dewam dikin.
Artêşa Rûsya ji aliyê Donabsê ve êrişên xwe dijwar kiriye.

Serokomarê Ukraynayê Volodymyr Zelensky got, leşkerên Ukraynayê gav bi gav hêzên Rûsyayê li Xarkov ya duyemîn bajarê herî mezin ê welêt e derdixin.

Zelenskiy peyamek vîdyoyî li ser Facebookê belav kir û anî ziman ku leşkerên Rûsî ji çar wargehên li bakurê rojhilatê Xarkovê hatine derxistin û got:

Armanca me ew e ku leşkerên Rûsî ber bi sînorê wî welatî ve werin vekişandin.

Leşkerên Rûsyayê di hefteyên dawî de gelek êrîşên moşekî li dijî Xarkovê pêk anîn.

Hat ragihandin ku leşker pir nêzî navenda bajêr bûne.

Enstîtuya Lêkolînên Şer a Amerîkî (ISW) di dawiya hefteya borî de got, Artêşa Ukraynayê “pêşkeftinên girîng” li vê beşa welat bi dest xistiye û dibe ku di roj an hefteyên pêş de heta sînorê Rûsyayê pêşde biçin.

Leşkerên Rûsya li Donbasê pêşve diçin

Di dema ku artêşa Ukraynayê herêmên windabûyî yên li bakurê rojhilatê welêt ji nû ve kontrol dikin de, leşkerên Rûsyayê li herêma Donbas a dikeve başûr-rojhilatê welêt şerê xwe didomînin.

Li gorî agahiyên ku ji aliyê fermandariya artêşa Ukraynayê ya başûr ve hatin dayîn, leşkerên Rûsyayê li Donbasê bi awayekî “bi hovane” êrîşî mal, tesîsên binesaziya elektrîkê û zeviyan dikin.

Hat ragihandin ku êrîşên li ser bendera Mariupolê ya ku di şer de hat îmhakirin jî dewam dikin.

Alîkarê Şaredar Petro Andriuşchenko got,

Li dijî leşkerên Ukraynayê yên li Kargeha Hesin û Pola ya Azovstal gelek êrîş pêk tên.

Hat ragihandin ku di êrîşên şeva borî yên li ser Zaporijiya ya li başûrê rojhilatê Ukraynayê de, kesek mir û 8 kes jî birîndar bûn.

Rayedaran diyar kirin ku ji ber dewamiya êrîşan alîkariya mirovî ya ji bo herêmê bi awayekî demkî hatiye rawestandin.

Yekîneyên îstîxbarata Amerîkayê îdia dikin ku armanca Rûsyayê ew e ku di navbera Donbas û Nîvgirava Kirimê û Transnistriya de girêdaneke bejayî ava bike.

Ukrayna: 26,350 leşkerên Rûsya hatine kuştin

Sererkaniya Ukrayna jî ji aliyê xwe ve bîlançoya şerê ji 24’ê Sibatê ve despê kirî eşkere kir.

Li gorî Ukrayna,

26 hezar û 350 leşkerên Rûsya hatine kuştin.

Her wiha, 199 balafir, 160 helîkopter û 1,187 tankên wan jî hatine bêkêrkirin.

Back to top button