Yek ji nûçegihanên herî kevn ên televizyona El Cezîre, Şêrîn Ebû Aqlê, vê sibê hate kuştin.
Rêveberiya El Cezîre ragihand ku dema nûçegihana wan êrişa li dijî bajarê Cenîn dişopand, bû armanca gulleyên leşkerên Îsraîlî.
Wezareta Karê Derve a Îsraîlê jî ji ber kuştina Şêrîn Ebû Aqlê xemgîniya xwe anî ziman û îdîa kir ku dibe ji ber gulleyên xwepêşandêran hatiye kuştin.
Rojnamevana Filîstînî û nûçegihana El Cezîrê, Şêrîn Ebû Aqlê dema rewşa aloz a li bajarê Cenînê dişopand, bû armanca gulleyên artêşa Îsraîlê.
Ev yek ji aliyê Wezareta Tendirûstiyê ya Filîstînê ve hat biparvekirin.
El Cezîrê jî bi nûçeyeke lezgîn kuştina Şêrîn Ebû Aqlê ji aliyê leşkerên Îsraîlî ve piştrast kir.
Rêveberiya televizyonê ragihand ku dema nûçegihana wan êrişa li dijî kampên Cenînê dişopand, bûye armanca gulleyên leşkeran.
El Cezîrê diyar kir ku nûçegihana wan êlekê rojnamegeriyê jî li xwe kiribû û wiha dewam kir:
Dema serdegirtinê, leşkerên Îsraîlê bê serûber gulle li xwepêşandêr û xebatkarên ragihandinê reşandin.
Şêrîn Ebû Aqlê ku sala 1971’an ji dayîk bûye, demekê li nava saziyên ragihandina Filîstînî xebat kir.
Ji sala 1997’an jî weke nûçegihana El Cezîrê li Filîstîn û Îsraîlê bû.
Îsraîl: Dibe ku ji aliyê xwepêşandêrên çekdar ve hatibe kuştin
Di vê navberê de Artêşa Îsraîlê têkildarî mijarê daxuyaniyek da.
Artêşê îdîa kir ku ji bo girtina “bersûcên terorê” hêzên wan li Kampa Cenînê dest bi operasyonê kirine û got:
Dema operasyonê çekdarên Filîstînî gulle li leşkerên Îsraîlê reşandin. Niha Hêzên Parastina Îsraîlê bûyera kuştina rojnamevan lêkolîn dike.
Îtîhîmal heye ku ew ji ji aliyê çekdaran ve hatibe kuştin.
Heman îdî ji aliyê Serokwezîrê Îsraîlê Neftalî Bennett ve jî hate kirin.
Wezareta Karê Derve a Îsraîlê jî ragihand ku ew ji ber kuştina Şêrîn Ebû Aqlê xemgîn bûne û got;
Em bang li Rêveberiya Filîstinê dikin ku komîsyoneke lêkolînê ya hevbeş were avakirin.
