Bi dirêjbûna şerê Rûsya û Ukrayna re, nirxê pêwistiyên jiyanê û taybet genim li cîhanê zêde dibe.
Rêxistina mirovî ya Alman Bread for the World ragihand ku rexneyên li ser qedexekirina hinardekirina genim a Hindistanê ne rewa ye.
Welatên G7 rawestana hinardekirina genim a Hindistanê rexne kirin.
Rêxistina mirovî ya bi navê Bread for the World ku navenda wê li Almanyayê ye, rexneyên welatên G7 ên li dijî qedexeya hinardekirina genim a Hindistanê, weke ku nayê qebûlkirin bi nav kir.
Berpirsê Xwarinê yê Cîhanê yê rêxistina alîkariyê Francisco Mari ji rojnameya Tageszeitung re got,
“Eger hikûmeta Hindistanê dixwaze bi rawestandina hinardekirinê pêşî li birçîbûna li welatê xwe bigire, ew rast e.”
Wekî din, dibe ku hukûmet neçar be genimê xwe ya alîkariyê ji 500 mîlyon Hindiyên xizan re bi kirîna ji cotkaran kêm bike.
Li Hindistanê hinardekar genim ji cotkaran ji bihayê ku hukûmetê destnîşan kiriye ikirin.
Francisco Mari bang li hikumeta Elman jî kir û got,
“Divê hikûmeta Federal li ber çavan bigire ku Amanya çawa dikare genimê xwe kêm bike.”
Mari di hevpeyvîna xwe de ji welatên G7 re got,
“Pêwîste G7 careke din diyar bike ku Rûsya tevî cezayan hinardekirina genim didomîne û divê ev dewam be.”
Rûsya beriya şerê Ukraynayê ji Ukraynayê zêdetir genim hinarde dikir.
Li aliyê din Mari bang li welatan kir ku bi lezgînî û bê astengiyên burokratîk alîkariya welatên wekî Tûnis û Misirê bê kirin.
Francisco Mari bal kişand ser wê yekê ku %45’ê Tûnisê û %35’ê pêwîstiya kaloriyê ya Misirê bi hinardekirina genim tê dabînkirin û ev tişt anî ziman:
“Di vê rewşê de, ji bo Fona Pereyan a Navnetewî (IMF) ku mercekê deyne ser dewletên mexdûr ku alîkariyên xwe yên ji bo xwarinên bingehîn kêm bikin.”
Pispor her wiha destnîşan kir ku divê Hikûmeta Federal li dijî van daxwazên IMF’ê derkeve.
