Li dijî êrîşên ku duh dewleta Tirk li ser bajaroka Axceler a Silêmaniyê û Kampa Mexmûrê pêk anîn, nerazîbûn zêde dibin.
Siyasetmedar û rêxistinên Başûrê Kurdistanê êrîş şermezar kirin û bang li hikûmeta Iraqê kirin ku helwesteke wêrek nîşan bide.
Koma YNK’ê ya li parlementoya Iraqê têkildarî êrîşan, daxuyaniyek da.
Di daxuyaniyê de êrîş hat şemezarkirin û ji hikûmeta Iraqê hat xwestin ku helwestek zelal û wêrek nîşan bide.
Her wiha hat gotin ku divê hikûmeta Iraqê ji bo pêşîlêgirtina van tawan û binpêkirinên li ser serweriya xaka Iraqê tê kirin, hemû rêbazên bikar bîne.
“Divê li hemberî hewldanên Tirkiyê yên xwe belavkirnê were sekinandin”
Endamê Lijneya Asayîş û Parastinê ya Parlementoya Iraqê Cewad Elbolanî jî diyar kir wê lijneya wan di çend rojên pêş de li ser vê mijarê kom bibe û bêdeng nemînin.
Li ser hewleta Iraqê ya li beramber binpêkirinên dewleta Tirk jî Elbolanî got:
“Divê li hemberî kiryarên Tirkiyê û hewldanên wê yên xwe belavkirinê were sekinandin û divê Iraq jî di vê mijarê de hemû rêbazan bikar bîne.
Edhem Berzanî êrişên dewleta Tirk şermezar kir
Siyasetmedar Edhem Barzanî jî sersaxî ji malbatên şehîdan re xwest û kiryarên dewleta Tirk şermezar kir.