Serê saetê 200 top li bajar û derdora wê dikevin. Bajarê Serverodonetsk armanca nû ya Rûsya ye. Berpirsên Ukraynî dibêjin, ji ber êrişên dijwar ew nikarin jimara kesên hatine kuştin û ziyanên derketine bizanin. Serokomarê Ukrayna Zelensky di serdana xwe ya li bajarê Xarkovê de, serokê Ewlekariya Netewî ya Ukrayna ji erk girt. Wezîrê Karên Derve yê Rûsya Lavrov jî dibêje, kontrolkirina herêma Donbasê ji bo wan “nebe nabe ye”
Di asoyên li Ukrayna de, aramî xuya nake.
Rûsya, di girtina armancên xwe yên li ser xaka Ukrayna de israr dike.
Di armanca niha de bajarê Severodonetsk heye.
Ji ber dijwarbûna şerê li herêmê metirsiyek zêde heye.
Ji bo kontrolkirina Donbas û Luhanskê ev bajar xwedî stratejiyek girînge.
Welatiyên li bajar bêdengî jibîr kirine.
Berpirsên li bajar dibêjin ji ber dijwariya êrişan ew nikarin ziyanên li bajar û jimara kesên jiyana xwe ji dest dane bizanin.
Waliyê Luhanskê yê Ukraynayê Serhiy Hayday jî wiha got: “Rewş gelekî xerab bûye.”
Li gorî The Guardian, şahidên bûyerê diyar kirin ku “di saetekê de 200 bombe li bajêr dikevin”.
Bajarê Severodonetsk vediguhere Mariupola nû
Rûsya bi êrîşên xwe hewl dide xetên hêzê yên Ukraynayê bibire û leşkerên mayî jî dorpêç bike.
Ukraynî rewşa li bajarê severodonetsk dişibînin Mariupolê.
Piştî nêzî 3 mehan hêzên Rûsya bajarê Mariupol di 20’ê Gulanê de bi giştî kontrol kiribûn.
Karbidestên xwecihî jî ragihandin ku hêzên Rûsî êrîşî Severodonetskê kirin û li kolanên bajêr şer û pevçûn derketin.
Zelensky serdana Xarkovê kir û serokê Servîsa ewlekariya Ukrayna ji erk girt
Serokomarê Ukraynayê Volodymyr Zelensky ji destpêka şer ve doh cara yekem çû derveyî Kîevê da ku serdana leşkerên li bajarê Xarkov ê li bakurê rojhilat bike.
Zelensky diyar kir ku bombebarana Rûsyayê binesaziya krîtîk a Severodonetskê wêran kiriye û armanca sereke ya Moskowê niha girtina vî bajarî ye.
Zelensky di dema serdanê de, Serokê Servîsa Ewlekariya Ukraynayê (SBU) ya Herêma Xarkovê Roman Dudin ji kar dûrxist.
Lavrov: Donbas “Pêşniyara bê şert e”
Wezîrê Derve yê Rûsyayê Sergey Lavrov di hevpeyvînekê ligel kanala Fransî TF1 derbarê êrişa Rûsyayê ya ser Ukraynayê de nirxandin kir.
Lavrov got, “rizgarkirina” herêma Donbasê ya li rojhilatê Ukraynayê “pêşîniyeke bê şert û merc e.
Rakirina artêş û tabûrên Ukraynayê ji Donetsk û Luhanskê ya Moskow ew weke dewletên serbixwe naskirî ye.
Herêma Donbasê ji Donetsk û Luhanskê pêk tê.
Lavrov diyar kir ku li herêmên Ukrayna ku niha şer didome divê welatiyên wan bi xwe biryara paşeroja xwe bidin.
