Ukrayna weke baxçeyê Ewropayê kar dike.
Piraniya pêwistiyên xwe yên genim ji Kîevê dikirin.
Bi derketina şerê li Ukrayna re, ev yek veguherî krîzekî.
Her ku krîza xwarinê nêzîk dibe, NY hewildanên xwe hîn zêdetir dike.
NY li ser hinardekirina genim û gubreyê bi Rûsyayê re civînek “çêker” li dar xist.
Rayedarekî payebilind ê Neteweyên Yekbûyî (NY) li Moskowayê bi Alîkarê Serokwezîrê Rûsyayê Andrey Belûsov re civiya.
Mijara sereke ya civînê hinardekirina genim û gubreyê ji Rûsyayê bû.
Hate diyarkirin ku di nava aliyan de “axaftinên çêker” hatine kirin.
Berdevkê NY Stephane Dujarric diyar kir ku Rebecca Grynspan ya li Moskowê civîn li dar xistibû, niha li Washingtonê ye û heman mijarê gotûbêj dike.
Hat diyarkirin ku armanca serdanên Grynspan “ji bo bêewlehiya xwarinê ya cîhanê ya ku zêde dibe re bibînin bersiv e.”
Nûnera Daîmî ya DYA li NY, Linda Thomas-Greenfield got;
Ew dikarin “nameyên rihetiyê” bidin şirketên ku genim û gubreyê ji bo îtxalata Rûsî bikin.
Thomas-Greenfield destnîşan kir ku ji bo genim û gubreya Rûsyayê tu ceza tune ye.
Lê tevî vê yekê jî hin şirket hîna jî ji ber veguheztina hilberan bi fikar in.
Krîza xwarinê bi êrîşa Rûsyayê ya li ser Ukraynayê girantir bû.
Bihayê dexl, rûnên xwarinê, sotemenî û gubre zêde bû.
Rûsya û Ukrayna hema hema yek ji sêyeka hewcedariya genim a cîhanê bi cih tînin.
Rûsya jî di îthalata gubreyê de roleke girîng dilîze.
Ukrayna jî di hinartina ceh û rûnê gulberojê de roleke bi heman rengî dilîze.
Piştî hevdîtina Serokê Giştî yê AKP’ê Tayyîp Erdogan û Serokê Rûsyayê Vladimir Putin 30’ê Gulanê pêk anîn, Kremlînê got, “Vladimir Putin diyar kir ku aliyê Rûsî bi kordîneya hevkarên Tirkiyeyê re amade ye ku ji deryayê re derbasbûna bê asteng bike. Di nava vê derbasbûnê de genim jî dikare hebe.”
Zelensky: 22 milyon ton dexil di depoyan de radiweste
Serokomarê Ukrayna Volodymyr Zelensky jî beriya niha bi hefteyekê li ser mijarê daxuyaniyek da û gotibû:
“Îro 22 milyon ton genim di embaran de tê parastin.
Em nikarin wan bidin bazarên navneteweyî yên ku pêwistiya wan pê heyî.”
