Li Efrînê çeteyên dewleta Tirk li Şêrawa 3 kes revandin

Dewleta Tirk a dagirker û çeteyên wê li Şêrawa ya Efrînê 3 kesên din revandin.
Her wiha dagirkeran bêhtirî sed dar jî birîn.

Hat ragihandin ku çeteyên dewleta Tirk a dagirker li gundê Fafirtîn û Birc Silêman ê navçeya Şêrawayê sê welatiyên binavê Yasir Cimaa Elo, Xelîl Ehmed Şawtî û Mihemed Ehmed Silêman revandin.

Duh jî ji Basûtê, welatiyên bi navê Xelîl Ebdo yê 32 salî û Hisên Şêxo hatin revandin.

Kesên ku çeteyan ew revandine agahî ji wan nayê girtin.

Çeteyên dewleta Tirk li Mabata û Şiyê zêdeyî sed dar birîn

Li aliyekdin jî çeteyên bi navê “Lîwa Semerqend” ên girêdayî dewleta Tirk li gundên Hec Qasima yê navçeya Mabeta û gundê Dela yê navçeya Şiyê bêhtirî sed dar birîn.

Dewleta Tirk a dagirker li herêmên dagirkirî guhartina demografî û qirkirina xwezayê û talankirina şûnwaran jî didomîne.

Back to top button