Hişyarî ji Neteweyên Yekbûyî: Bikaranîna narkotîkê zêde dibe
Bi karanîna madeyên hişbir ya li seranserê cîhanê zêde bûye.
Li gorî rapora Neteweyên Yekbûyî, li cîhanê 275 milyon kes madeyên hişbir bikar tînin.
Ji ber madeyên hişbir 36 mîlyon kes jî pirsgirêka wan ya tenduristiyê heye.
NY hişyariya wê yekê dide ku dibe karanîna madeyên hişbir hîn zêdetir bibe.
Ofîsa Netewên Yekgirtî ya li dijî madeyên hişber û tawanan (UNODC) ragihand ku li cîhanê 275 milyon kes maddeyên hişber bikar tînin.
36 milyon kes jî ji ber bikaranîna zêde ya madeyên hişbir pirsgirêkên wan yên tenduristiyê hene.
Rapora 2021’an a rêxistinê îşaret bi bandorên zêdebûna karanîna esrarê li cîhanê kir.
Di raporê de bal hat kişandin ku di 24 salên dawî de bikaranîna esrarê 4 qat zêde bûye.
Her wiha hat diyarkirin ku rêjeya ciwanên esrarê weke madeyeke zerardar dibînin li DYA ji sedî 40 û li Ewropayê jî ji sedî 25 kêm bûye.
Di raporê de bal hat kişandin ser girîngiya perwerdekirina ciwanan li ser zirarên madeyên hişber û îşaret bi wê yekê hate kirin ku esrar bi taybetî di bikaranîna demdirêj de dibe sedema pirsgirêkên tenduristiyê yên cuda.
Ji NY Hişyarî: Tê pêşbînîkirin ku heta 2030’î bikaranîna madeyên hişbir ji sedî 11 zêde bibe!
Li gorî raporê, ji derveyî esrarê karanîna dermanên girantir li seranserê cîhanê jî pir zêde bûye.
Hat diyarkirin ku rêjeya bikarhênerên tiryakê di navbera salên 2010-2019’an de ji sedî 22 zêde bûye û zêdebûna nifûsa cîhanê jî di vê yekê de rol lîstiye.
Li gorî hesabên nifûsê, tê pêşbînîkirin ku heta sala 2030’an ji sedî 11 bikaranîna narkotîkê zêde bibe.
Tê payîn ku ev zêdebûn li Afrîkaya nifûsa xwe ya ciwan bi lez zêde dibe were dîtin.
Li gor texminên di raporê da hat diyarkirin ku li cîhanê ji sedî 5,5’ê nifûsa ku temenê wan navbera 15-64 salî di sala dawîn da herî kêm carekê madeyên hişbir bikar anîne.
Hat diyarkirin ku 36,3 mîlyon kesên ku dike ji sedî 13 yên madeyên hişbir bikar tînin, pirsgirêkên wan yên tenduristiyê hene.
