Li bajarê Slovyansk gel bi lez ji cih û warê xwe dibe.
Êrişên hêzên Rûsyayê li dijî vî bajarî dijwar dibin.
Bi giştî pêşdeçûna li herêma Rojhilat dewam dike û armac jê kontrolkirina Donbasê ye.
Keştiya Rûsya ya ji genim barkirî ji bendera Tirkiyê cuda bû, Ukrayna got,
Ev yek nayê pejirandin.
Li Rojhilatê Ukraynayê êrişên Rûsyayê zêde dibin.
Bi taybet jî li dijî bajarê Slovyanskê.
Ji doh ve ji ber topbaranên Rûs, xelkê bajêr ji cih û warê xwe dibe.
Şaredarê bajêr Vadim Liach (Vadîm Lîax) ragihand ew bi rojan e mirovên sivîl derdixin û got,
” Ji 110 hezar nifûsa bajêr, vê gavê tenê 23 hezar mane.”
Şaredarê Slovyanskê îdîa kir ku jêrzemînên wan bihêz in û got, artêşa Rûs wê nikaribe kontrol bike.
Li aliyê din, piştî kontrolkirina bajarê Luhanskê, hêzên Rûs ber bi herêma Donbasê ve pêş de diçin.
Li gorî agahiyên têne biparvekirin, şer û êriş niha herî zêde li derdora Donetskê dijwar in.
Zelensky: Bi piştevaniya çekên rojava şandine derbên xurt li artêşa Rûsya tê xistin
Her wiha Serokomarê Ukrayna Volodymyr Zelensky di axaftina xweya rojane bo gel de, îşaret bi çekên ku welatên Rojavayî bû wan şandine.
Zelensky got:
Çekên ku welatên Rojavayî bo me şandî, pir bihêz dixebitin.
Parêzvanên me derbên pir berçav li embar û xalên din ên ku ji bo lojîstîka dagirkeran girîng in dixin.
Keştiya Rûsya ya ji genim barkirî ji Tirkiyê birê ket
Hat diyarkirin keştiya Rûsyayê ya ku dawiya hefteyê piştî ku ji bajarê Berdyanskê yê Ukraynayê li peravên Bendera Karasuyê ya Tirkiyê hat sekinandin bi rê ketiye.
Di keştiya nevbûrî de tê gotin, 7 hezar ton genim heye.
Rêveberiya Kîevê jî îdia dike ku ev genimê Ukrayna ye ku Rûsya ji bajrên kontrol kirine biriye.
Kremlîn îdia dike ku dibe keştiya bi navê Zhibek Zholy ji herêmeke di bin kontrola wan de, ji ber hinardekirinek normal birê ketibe.
Li aliyê din Kîev îdîa dike ku lêkolîna edlî dikare îspat bike ku ev genim hatine dizîn.
Û li dijî veqetîna keştiyê ji Bendera Karasuyê bertek nîşan.
