Beriya civîna lîderên G20, wezîrên karê derve dicivin.
Wezîrê Karê Derve yê Rûsyayê gihaşt girava Balî ya Endonezyayê da ku tev li civîna G20`an bibe.
Civîna ku di bin siya şerê li Ukrayna de pêk tê, zêde bi hêvî xuya nake.
Îro li girava Balî ya Endonezyayê civîna G20`an a wezîrên karên derve li dar dikeve.
Wezîrê karên derve yê Rûsyayê Sergey Lavrov dê tev li civînê bibe û tê payîn ji ber şerê Rûsya-Ukraynayê encam negire.
Wezîra Karê Derve ya Almanyayê Annalena Birbock beriya ku bigihêje Baliyê, got:
“Di demekê de ku Rûsya li hemberî Ukraynayê şer dike, divê civîna G20`an wekî platformekê bi kar neyne.”
Birbock anî ziman ku divê rêz ji qanûnên navneteweyî re bêne girtin û ev tişt anî ziman:
Ji berjewendiyên me hemûyan e ku rêzê ji qanûnên navneteweyî re bigirin û pabend bin, ji ber ku ev xala hevbeş di navbera me de ye.”
Civîn wê heta sibe dewam bike û ji bo hevdîtina yekser a Lavrov û hin rexnegirên Rûsyayê derfetek be.
Ajansa Tas a Rûsyayê diyar kir ku piştî civînê wê Lavrov li Baliyê bi hempîşeyên xwe yên G20`an re bicive.
Lê Birbock û hempîşeyê wê yê Aamerîkî Anthony Blinken hevdîtina bi Lavrov re bi dûr xist.
G20 a ji gelek dewletên rojava pêk tê, wê Moskov bi pêkanîna “sûcên şer” li Ukraynayê tawanbar kirin.
Beriya civînê Lavrov bi hempîşeyê xwe yê Çînê Vang Yî re civînek dualî pêk anî.
Her wiha Çîn, Endonezya, Hindistan û Afrîkaya Başûr derbarê tevgera Rûsyayê ya li Ukraynayê de bê deng man.
Di civînê de, wê pirsgirêka enerjiyê û debarê were nîqaşkirin.
Rûsya bi mezinkirina krîza xwarinê ya cîhanê tê tawanbarkirin.
