Li Srî Lanka deshilata dehê salan a malbata Rajapaksa ber bi têkçûnê ye.
3 rojin xwepêşandêr li avahiya serokatiya welat bicih bûne û li benda îstifaya serokê welatin. Xwepêşandêrên nêzî 50 hezar euro pere li avahiya serokatiya welat dîtin jî radestî polîsan kirin. Çav lê ye ku Rajapaksa piştî 2 roj din îstifa bike.
Îro 3 rojin, êdî xwepêşandêrên li welat, dest danîne li ser avahiyê.
Hat ragihandin ku xwepêşandêrên ku ji roja şemiyê ve li avahiya Serokomariyê bicih bûne, 17 mîlyon û 85 hezar pereyê Srî Lanka ku dike 49 hezar euro, radestî polîsan kirin.
Polsan jî diyar kirin ku ew ê van pereyan radestî dadgehê bikin.
Midûriyeta Emniyetê di daxuyaniya xwe ya ku da çapemeniyê de got,
“Ew pereyê ku teslîmî polêsan hat kirin wê îro sewqî dadgehê bê kirin.”
Dîsa li gor agahiyên ku ji çavkaniyên fermî hatin dayîn, çenteyek tijî belgeyên fermî yên ku di îqameyê da hat dîtin dîsa teslîmî polêsan hat kirin.
Serokê Srî lanka Rajapaksa xwe li kur veşartiye?
Serokwezîr Ranil Wickremesinghe îro careke din dubare kir ku Rajapaksa wê 13’ê Tîrmehê bi fermî îstifa bike.
Wickremesinghe, yê piştî îstifakirina serok Gotabaya Rajapaksa bibe kesê herî bihêz li welat ragihand ku ger li ser kabîneya wî lihevkirinek pêk neyê ew ê îstifa bike.
Xwepêşander her weha dixwazin Wickremesinghe, ku di Gulanê de bû serokwezîr, nemîne.
Li Srî Lankayê ku di dîroka xwe de krîza aborî ya herî giran lê hat jiyîn, xwepêşander di 9’ê Tîrmehê de ketin avahiya Serokwezîrtiyê û agir berdan avahiyê.
Gelê Srî Lankayê di dawiya meha Adarê de, piştî rojê 13 saetan elektirîk qutibû, xwepêşandanên xwe zêde kirin.
9’ê Gulanê di navbera xwepêşanderên ku li derdora Ofîsa Serokwezîrtiyê kom bûn û alîgirên hikûmetê de pevçûn derketibû û li paytext Kolomboyê yekîneyên leşkerî hatibûn bicihkirin.
Piştî zêdebûna zextên mûxalefetê, Serokwezîr Mahînda Rajapaksa di 9’ê Gulanê de îstifa kir û kabîne hat betalkirin.
Serok Gotabaya Rajapaksa di 12’ê Gulanê de Ranil Wickremesinghe, ku berê sê dewran serokwezîr bû, wek serokwezîr tayîn kir.
